چارسدہ میں دریائے سوات کے مقام منڈا پر 12 افراد دریا میں پھنس گئے، جنہیں فوری کارروائی کے ذریعے بحفاظت ریسکیو کر لیا گیا۔
ڈپٹی کمشنر چارسدہ نے بتایا کہ یہ افراد دریا کے بیچ میں موجود ریت کے ٹھیلے پر پھنسے ہوئے تھے۔
انہوں نے کہا کہ ضلعی انتظامیہ اور دیگر متعلقہ ادارے فوری طور پر موقع پر پہنچ گئے تھے، جس کی بدولت ریسکیو آپریشن جلد از جلد شروع کیا گیا۔
ڈپٹی کمشنر نے مزید بتایا کہ دو گھنٹے کے طویل ریسکیو آپریشن کے بعد تمام افراد کو محفوظ طریقے سے نکالا گیا۔
ان کا کہنا تھا کہ یہ افراد لکڑیاں جمع کرنے کے لیے دریا میں گئے تھے جس کے دوران وہ پھنس گئے۔
