پاکستان کی مشہور اداکارہ ہانیہ عامر کو 2025 کے لیے دنیا کی دس خوبصورت ترین اداکاراؤں کی فہرست میں جگہ دی گئی ہے۔
انٹرنیٹ مووی ڈیٹا بیس (IMDb) نے 2025 کی فہرست جاری کی، جس میں پاکستان کی ڈمپل گرل ہانیہ عامر کے ساتھ بھارت، چین اور دیگر ممالک کی معروف اداکاراؤں کو بھی شامل کیا گیا ہے۔ یہ فہرست نہ صرف ظاہری حسن بلکہ اداکاری کی صلاحیتوں کی بنیاد پر مرتب کی گئی ہے۔
فہرست میں امریکی اداکارہ میک کینا گریس پہلے نمبر پر ہیں، جنہوں نے “Gifted” اور “Ghostbusters: Afterlife” جیسی فلموں میں اپنی اداکاری سے مداحوں کو متاثر کیا۔ دوسرے نمبر پر امریکی اداکارہ شیلنی وڈلے، تیسرے نمبر پر چینی اداکارہ دلرابا دلمورت اور چوتھے نمبر پر جنوبی کوریا کی نینسی مکڈونی ہیں۔
پانچویں نمبر بالی وڈ اداکارہ کرتی سنن کو دیا گیا، جبکہ ہانیہ عامر کو دنیا کی چھٹی خوبصورت اداکارہ قرار دیا گیا۔ ہانیہ نے اس فہرست میں بالی وڈ کی مشہور اداکارہ ایما واٹسن اور امبر ہرڈ جیسے نامور چہروں کو پیچھے چھوڑ دیا۔
ساتویں سے دسویں نمبر تک کی فہرست میں آنا دی آرمس، اداکارہ و پروڈیوسر ایما واٹسن، ہالی ووڈ اداکارہ امبر ہرڈ اور ترک اداکارہ و ماڈل ہاندے آرچل شامل ہیں۔























