برطانیہ میں لیبر حکومت غیر قانونی تارکین وطن کو روکنے میں شدید ناکامی کا سامنا کر رہی ہے۔
تمام تر حکمت عملیوں اور اقدامات کے باوجود، لیبر کے اقتدار میں آنے کے بعد اب تک تقریباً 50 ہزار غیر قانونی مہاجرین مختلف ذرائع سے برطانیہ میں داخل ہونے میں کامیاب ہو چکے ہیں۔
ون ان، ون آﺅٹ پالیسی کے نفاذ کے بعد غیر قانونی تارکین وطن کی آمد میں مزید تیزی آ گئی ہے۔ جولائی میں عام انتخابات میں لیبر کی اکثریت کے بعد حکومت نے کئی بلند و بانگ دعوے کیے تھے، لیکن وہ اپنے وعدوں کو عملی شکل دینے میں ناکام رہی۔
گزشتہ روز بھی تقریباً 300 مہاجرین چھوٹی کشتیوں کے ذریعے برطانیہ میں داخل ہوئے، جنہیں برطانیہ کے جہازوں کے ذریعے بندرگاہ پر اتارتے دیکھا گیا۔
شیڈو ہوم سیکریٹری کرس فلپ کا کہنا ہے کہ لیبر نے روانڈا اسکیم کو منسوخ کر کے کوئی متبادل اقدامات نہیں کیے، جس کی وجہ سے غیر قانونی مہاجرین کی تعداد میں تیزی کے ساتھ اضافہ ہوا اور حکومت نے سرحدوں کا کنٹرول کھو دیا ہے۔
