یومِ آزادی کے موقع پر کراچی ٹریفک پولیس نے ٹریفک کے حوالے سے ہدایت نامہ جاری کیا ہے۔
آج، بدھ 13 اگست 2025 کو نیشنل اسٹیڈیم میں یومِ آزادی اور “معرکۂ حق” کی رنگا رنگ تقریب کا انعقاد ہوگا۔
ٹریفک پولیس کے مطابق تقریب شام 6 بجے شروع ہوگی جبکہ شام 5 بجے سے نیشنل اسٹیڈیم جانے والے راستوں پر گاڑیوں کا دباؤ بڑھنے کا امکان ہے۔
حکام کا کہنا ہے کہ شام 5 بجے سے رات 2 بجے تک ٹریفک کے بہاؤ میں نمایاں اضافہ ہوسکتا ہے، اس لیے شہریوں کو مشورہ دیا گیا ہے کہ وہ اس دوران سِوک سینٹر سے نیشنل اسٹیڈیم جانے والے راستے پر غیر ضروری سفر سے اجتناب کریں۔
