پاکستانی شوبز کی مشہور اداکارہ سونیا حسین اپنی ’بولڈ برتھ ڈے پارٹی‘ کی وجہ سے تنازع کا مرکز بن گئیں۔
حال ہی میں سونیا نے اپنے قریبی دوستوں کے ساتھ سالگرہ کا جشن منایا، جس کی ویڈیوز اور تصاویر سوشل میڈیا پر خوب گردش کر رہی ہیں۔
وائرل ویڈیوز میں دیکھا جا سکتا ہے کہ شوبز کی متعدد معروف شخصیات بھی اس تقریب میں شریک تھیں۔
سونیا نے اپنی سالگرہ کے موقع پر دو مختلف اسٹائل کے مغربی لباس پہنے، ابتدا میں وہ گلابی رنگ کا لباس پہنے دکھائی دیں اور بعد میں کیک کاٹتے ہوئے سبز رنگ کا لباس زیب تن کیا ہوا تھا۔
تقریب کے دوران اداکارہ اور ان کے دوستوں کے ڈانس کی بولڈ ویڈیوز بھی سوشل میڈیا پر بہت شیئر کی جا رہی ہیں۔
تاہم، سوشل میڈیا صارفین کو یہ بولڈ سالگرہ پارٹی پسند نہیں آئی اور وہ تصاویر و ویڈیوز پر شدید تنقید کر رہے ہیں۔
