یہ معرکہ وطن کی آبرو کا معرکہ تھا، ڈاکٹر طفیل
معرکہ حق: این ای ڈی اکیڈمی میں کیک کٹنگ دوسری جانب ڈاکٹر اسد عارفین کا سائبر وار پر لیکچر
کراچی() جامعہ این ای ڈی کی این ای ڈی اکیڈمی کے تحت معرکہ حق جشنِ آزادی کے سلسلے میں ایک جانب کیک کاٹا گیا اور پاکستان کی سلامتی کی خصوصی دعا مانگی گئی۔ اس موقعے پر شیخ الجامعہ ڈاکٹر محمد طفیل نے کہا کہ وطن عزیز کی خوشی میں ہم سب کی خوشی پنہاں ہے، وطن ہے تو ہم ہیں۔ ان کا کہنا تھاکہ پاکستان کا دفاع مضبوط ہاتھوں میں ہے جس کی مثال معرکہ حق کی صورت میں موجود ہے۔ انہوں نے مزید کہا کہ یہ معرکہ وطن کی عزت و آبرو کا معرکہ تھا، جس میں فتح نصیب ہوئی۔ کیک کٹنگ میں پرووائس چانسلر ڈاکٹر محمد نعمان، رجسٹرار سید غضنفر حسین، ڈین ڈاکٹر اسد الرحمان، ڈین ڈاکٹر عامر اقبال، ڈین ڈاکٹر سعد احمد قاضی سمیت اکیڈمی کے ڈائریکٹر جزل ڈاکٹر بلال زاہد و ٹیم شریک ہوۓ۔ جب کہ دوسری جانب معرکہ حق بنیان مرصوص کے عنوان سے ڈائریکٹر آئی ٹی ڈاکٹر اسد عارفین نے سائبر وار کے حوالے سے طالب علموں کو آگاہ کرتے ہوۓ لیکچر دیا۔
