پنجاب کی صوبائی ڈیزاسٹر مینجمنٹ اتھارٹی (پی ڈی ایم اے) نے نئی فلڈ وارننگ جاری کی ہے۔
پی ڈی ایم اے کے ترجمان کے مطابق دریائے ستلج، راوی، چناب، جہلم اور ان سے جُڑی ندی نالوں میں سیلاب کا خطرہ موجود ہے۔ مون سون بارشوں کا ساتواں دور 13 اگست سے شروع ہوگا، جس کی وجہ سے صوبے کے دریاؤں میں پانی کی سطح میں اضافے کا امکان ہے۔
تمام کمشنرز، ڈپٹی کمشنرز اور متعلقہ محکموں کو چوکس رہنے کی ہدایت دی گئی ہے۔
ڈی جی پی ڈی ایم اے پنجاب، عرفان علی کاٹھیا، نے کہا کہ دریاؤں کے کنارے رہائش پذیر افراد اور مویشیوں کو محفوظ جگہوں پر منتقل کیا جائے۔
انہوں نے شہریوں کو ہدایت کی کہ دریاؤں، نہروں، ندی نالوں اور تالابوں میں نہانے سے گریز کریں اور ایمرجنسی کی صورت میں فوری طور پر پی ڈی ایم اے ہیلپ لائن 1129 سے رابطہ کریں۔
