پاکستان کے 78 ویں یوم آزادی کے موقع پر جواد احمد کی آواز میں ایک خاص ملی نغمہ جاری کیا گیا ہے۔
اس نغمے میں جواد احمد نے اپنی دلکش آواز کے ذریعے خوبصورت سُر بکھیرے ہیں۔ نغمے کے بول قومی ترانے “پاک سر زمین شاد باد” کی پہلی سطر سے متاثر ہیں اور پاکستانی قوم کی ہمت، بہادری اور محنت کو اجاگر کرتے ہیں۔
یہ نغمہ ملک کی مختلف قومیتوں کی یکجہتی، جذبہ اور قومی اتحاد کی بہترین عکاسی کرتا ہے۔ نغمے میں وطن کے محافظوں کی مثال شیر اور شاہین سے دی گئی ہے، جبکہ ہر مصرعے میں حب الوطنی اور وطن سے محبت کا گہرا پیغام شامل ہے۔
یہ نغمہ قوم میں جذبۂ حب الوطنی کو فروغ دیتا ہے اور دکھاتا ہے کہ حق کے میدان میں حاصل کی گئی شاندار کامیابی قومی اتحاد کا روشن ثبوت ہے۔ نغمے کے ہر لفظ میں اتحاد اور پاک وطن سے محبت کی جھلک نمایاں ہے۔
