ملک ریاض بحریہ ٹاؤن نیلامی کی نئی کہانی بے نقاب | مزمل سہروردی
ملک ریاض بحریہ ٹاؤن نیلامی کی نئی کہانی بے نقاب | مزمل سہروردی
Malik Riaz Bahria Town Auction New Story Exposed | Muzamal Suharwardy Ft. Musawar Abbasi
ملک ریاض کی جائیدادوں کی نیلامی پر ایک نئی بحث چھڑ گئی ہے۔ یوٹیوب پرمزمل سہروردی کے چینل پر مصور عباسی کے ساتھ ہونے والی گفتگو میں انکشاف ہوا کہ ملک ریاض کی تین پراپرٹیز نیلام ہوئی ہیں، جن میں سے ایک مصور عباسی نے خریدی ہے۔ اس معاملے پر سوال اٹھائے گئے کہ دیگر بڑے ریئل اسٹیٹ ڈویلپرز نے بولی کیوں نہیں لگائی؟ مصور عباسی کا کہنا ہے کہ یہ ایک عام کاروباری معاملہ ہے اور اس میں کسی سیاسی یا اداراتی مداخلت کا کوئی عنصر نہیں۔
انہوں نے واضح کیا کہ جو پراپرٹیز نہیں بک سکیں، وہ غیر منافع بخش تھیں، جیسے سینما اور کلب۔ دوسری طرف، ملک ریاض کے حامیوں کا دعویٰ ہے کہ یہ نیلامی ان کے خلاف ایک منظم مہم کا حصہ ہے۔ اس انٹرویو میں ملک ریاض کی خدمات اور موجودہ تنازعات پر بھی روشنی ڈالی گئی۔
==========================
وزیراعظم آفس
پریس ونگ
اسلام آباد: 9 اگست، 2025
وزیراعظم سے پاکستان میں تعینات سعودی سفیر کی ملاقات
وزیراعظم محمد شہباز شریف سے پاکستان میں تعینات سعودی عرب کے سفیر نواف بن سعید المالکی نے آج وزیراعظم ہاؤس میں ملاقات کی۔
سعودی سفیر نے وزیر اعظم کو 27-30 اکتوبر, 2025 کو ریاض میں منعقد ہونے والے نویں فیوچر انویسٹمنٹ انیشی ایٹو (FII) فورم میں شرکت کے لیے ہز رائل ہائینس ولی عہد شہزادہ محمد بن سلمان بن عبدالعزیز آل سعود کی جانب سے دستخط شدہ دعوت نامہ پیش کیا۔
کانفرنس میں شرکت کی دعوت قبول کرتے ہوئے، وزیر اعظم نے دعوت نامہ بھیجنے پر ولی عہد شہزادہ محمد بن سلمان کا دلی شکریہ ادا کیا
وزیر اعظم نے خادم حرمین شریفین شاہ سلمان بن عبدالعزیز آل سعود اور ولی عہد شہزادہ محمد بن سلمان کے لیے نیک خواہشات کا اظہار کیا۔
ملاقات کے دوران خطے کی حالیہ پیش رفت پر بھی تبادلہء خیال کیا گیا۔
ملاقات میں نائب وزیر اعظم اور وزیر خارجہ اسحاق ڈار اور وزیر اعظم کے مشیر طارق فاطمی اور ڈاکٹر توقیر شاہ بھی موجود تھے
