مسرور احمد مسرور
===============
کینیڈا میں ویسے تو سب ہرا ہرا نظر آتا ہے یہاںکے رہنے والے اور دوسرے ممالک سے آنے والے لوگ اس ملک کی ہریالی کو پوری طرح انجوائے بھی کرتے، جھیلوں اور ان سے جڑے ہوئے جنگلات کا رخ پکنک منانے کی غرض سے لازماً کرتے ہیں کیوں کہ یہ ملک قدرتی مقامات، جھیلوں، جنگلات اور پہاڑوں سے لدا پڑا ہے۔
ہم کینیڈا کے صوبے برٹش کولمبیا کی حدود میں بہ طور مہمان رہائش پذیر ہیں اور یہ صوبہ قدرتی مقامات کی فیاضی کے حوالے سے بہت مشہور ہے۔ ہمیں یہاں کی جھیلوں، جنگلات اور پہاڑی علاقوں میں اپنے میزبان ٹوئن برادرز عاطف زبیر اور عمران زبیر کے ساتھ ان مقامات کی سیرو تفریح کے مواقع ملتے رہے لیکن سیر و تفریح کے علاوہ ایک خطرہ ہمیشہ سر پر منڈلاتا نظر آیا وہ یہ کہ ان تمام تفریحی مقامات پر ریچھوں کی موجودگی اور ان سے خود کو محفوظ رکھنے سے متعلق سائن بورڈ جگہ جگہ نظر آتے ہیں یعنی ان پکنک پارٹیوں میں سیر و تفریح کا لطف ایک طرف جب کہ دوسری طرف ریچھوں کے آ جانے کا خطرہ اپنی جگہ موجود رہتا ہے اور ریچھوں کے بارے میں خبردار کیا جاتا ہے یہ ریچھ خاص طور پر کینیڈا اور برٹش کولمبیا کے جنگلات، پہاڑوں اور جھیلوں کی طرف پائے جاتے ہیں جبایسی جگہوں پر پکنک منانے جاتے ہیں تو ہم دراصل ریچھوں کے علاقے میں داخل ہو رہے ہوتے ہیں۔
ریچھوں کے سونگھنے کی حس بہت تیز ہوتی ہے اور وہ انسانی کھانے، باربی کیو اور کچرے وغیرہ کی خوشبو سے دور سے کھنچے چلے آتے ہیں اس لیے اکثر پکنک مقامات پر ہدایت دی جاتی ہے کہ کھانے کو ڈھانپ کر رکھیں یا بند جگہ میں محفوظ رکھیں۔
اگر انسان لاپرواہی کرے تو ریچھ سے سامنا خطرناک بھی ثابت ہو سکتا ہے اس لیے لوگوں کو ضروری احتیاطی تدابیر اختیار کرنے کی بر بار ہدایت کی جاتی ہے
ایسے مقامات پر شور مچانا بھی ٹھیک نہیں تاکہ ریچھ دور رہیں۔
اس کے علاوہ جنگل میں اکیلے جانے سے گریز کرنا چاہیے دوسرے یہ کہ ریچھ اسپرے ساتھ رکھنا بہت ضروری ہے۔ ریچھوں میں Black Bear عام طور پر پائے جاتے ہیں جو نسبتاً کم خطرناک ہوتے ہیں۔
Grizzly Bear کم تعداد میں پائے جاتے ہیں لیکن خطرناک ہوتے ہیں۔
Polar Bear صرف شمالی کینیڈا میں پائے جاتے ہیں ریچھوں کی بات کرنا نہ صرف انسانوں کی حفاظت کے لیے ضروری ہے بلکہ یہ ریچھوں کو انسانوں سے دور رکھنے اور قدرتی نظام کو محفوظ رکھنے کے لیے بھی اہم ہے۔ تفریحی مقامات پر تنبیہی بورڈز پر عام طور سے ایسی عبارات لکھی ہوتی ہیں:
”ریچھوں سے خبردار رہیں۔“
”کچرا بند ڈبوں میں ڈالیں“
“You Are In Bear Country”
“Never Feed Bear”
Warning Bear In Area
