قومی کرکٹر حیدر علی کو برطانیہ میں گرفتار کر لیا گیا
پاکستان کرکٹ بورڈ نے نوجوان کرکٹر کی لندن میں گرفتاری کی تصدیق کر دی، حیدر علی کو دوران میچ گرفتار کیا گیا
قومی کرکٹر حیدر علی کو برطانیہ میں گرفتار کر لیا گیا
لندن ( اُردو پوائنٹ اخبارتازہ ترین۔ 07 اگست 2025ء ) قومی کرکٹر حیدر علی کو برطانیہ میں گرفتار کر لیا گیا، پاکستان کرکٹ بورڈ نے نوجوان کرکٹر کی لندن میں گرفتاری کی تصدیق کر دی، حیدر علی کو دوران میچ گرفتار کیا گیا۔ تفصیلات کے مطابق پاکستان کے نوجوان اور باصلاحیت کرکٹر حیدر علی پاکستان شاہینز کے دورہ انگلینڈ کے دوران بڑی مشکل میں پھنس گئے۔
میڈیا رپورٹس کے مطابق پاکستان شاہینز کے دورہ انگلینڈ کے دوران کھیلے جانے والے میچ کے دوران حیدر علی کو گرفتار کر لیا گیا۔ برطانوی پولیس کی جانب سے حیدر علی سے کرمنل تفتیش کی جا رہی ہے، تاہم یہ واضح نہیں کہ ان پر کیا الزام ہے۔ پاکستان کرکٹ بورڈ نے بھی اس حوالے سے تصدیق کر دی ہے۔ پی سی بی کی جانب سے جاری بیان کے مطابق حیدر علی کو برطانیہ میں مکمل قانونی معاونت فراہم کی گئی ہے۔
پاکستان کرکٹ بورڈ برطانوی قوانین کا مکمل احترام کرتا ہے اور چاہے گا کہ جو بھی تفتیش کا عمل شروع کیا گیا ہے، وہ اپنے قانونی اور منطقی انجام تک پہنچے۔ اسی اثناء میں پی سی بی نے حیدر علی کو معطل کرنے کا فیصلہ کیا ہے۔ جبکہ تمام قانونی کاروائی مکمل ہو جانے اور مکمل حقائق سامنے آنے کے بعد ہی پی سی بی کی جانب سے مزید کوئی کاروائی عمل میں لائے جائے گی۔ اس حوالے سے تب تک پی سی بی کی جانب سے مزید کوئی بیان جاری نہیں کیا جائے گا۔
=======================
لاہور: دل کا دورہ پڑنے سے موٹرسائیکل سوار بیوی سمیت گر کر جاں بحق
لاہور میں موٹر سائیکل سوار میاں بیوی اکبر چوک فلائی اوور سے گر کر جاں بحق ہوگئے، دونوں میاں بیوی اقبال ٹاؤن سے فیروز پور روڈ پر واقع اپنے گھر آرہے تھے کہ موت نے آ لیا۔
پولیس کے مطابق 65 سالہ شیخ افضل اور ان کی 60 سالہ بیگم عابدہ نور اقبال ٹاؤن سے گھر آرہے تھے کہ اکبر چوک فلائی اوور سے اترتے ہوئے موٹر سائیکل کی رفتار تیز ہو گئی۔
اسی دوران شیخ افضل کو دل کا دورہ پڑا، جس سے موٹرسائیکل بے قابو ہو کر باؤنڈری وال سے ٹکرائی اور دونوں میاں بیوی فلائی اوور سے نیچے جاگرے۔
عابدہ بانو موقع پر جاں بحق ہوگئیں جبکہ شیخ افضل اسپتال جاتے ہوئے راستے میں دم توڑ گئے، پولیس نے ضروری کارروائی کے بعد لاشیں ورثاء کے حوالے کر دیں۔
=================
اسلام آباد : 7 اگست، 2025
وزیراعظم محمد شہباز شریف کا نئے مالی سال کے پہلے ہی مہینے میں پاکستان کی برآمدات 2.7 ارب امریکی ڈالرز تک پہنچنے پر اظہار اطمینان
جولائی 2024 تا جولائی 2025 ، برآمدات میں 17 فیصد اضافہ ہوا ہے جو کہ انتہائی خوش آئند ہے : وزیراعظم
صرف ایک ماہ میں برآمدات میں 9 فیصد اضافہ انتہائی تسلی بخش ہے : وزیراعظم
برآمدات پر مبنی ترقی حکومت کی اولین ترجیح ہے : وزیراعظم
حکومت کی بہترین معاشی پالیسیوں اور ترجیحات کی بدولت معاشی اشاریے درست سمت میں گامزن ہیں : وزیراعظم
حکومت کی معاشی ٹیم کی کاوشیں لائق تحسین ہیں : وزیراعظم
حکومت ملک سے برآمدات میں اضافے ، سرمایہ کاری کے فروغ اور کاروبار دوست ماحول کی فراہمی کے لئے کوشاں ہے : وزیراعظم
فیس لیس کسٹم اسیسیمینٹ سسٹم کے نفاذ سے پورٹ آپریشنز میں مزید بہتری لارہے ہیں : وزیراعظم
جی ڈی پی میں ٹیکس کلیکشن کے تناسب میں اضافہ حکومت کے لیے قابل اطمینان ہے : وزیراعظم
عالمی مالیاتی اداروں کی جانب سے پاکستان کی کریڈٹ ریٹنگز میں بہتری پاکستان کی معیشت میں استحکام کی عکاس ہے : وزیراعظم
پچھلے مالی سال میں ترسیلات زر کی مد میں 34.9 ارب امریکی ڈالرز موصول ہوئے جو کہ مالی سال 2023-2024 کے مقابلے 28.8 فیصد زائد ہیں : وزیراعظم
بیرون ملک پاکستانیوں کے لئے مزید سہولیات فراہم کی جارہی ہیں. وزیر اعھم
پاکستان اسٹاک ایکسچنج 100 انڈیکس نے 145000 کی حد عبور کرکے حالیہ دنوں میں تاریخی کارکردگی دکھائی ہے : وزیراعظم
حکومت کی معاشی ٹیم کی کاوشیں لائق تحسین ہیں : وزیراعظم
حکومت ملک سے برآمدات میں اضافے ، سرمایہ کاری کے فروغ اور کاروبار دوست ماحول کی فراہمی کے لئے کوشاں ہے : وزیراعظم
=======================
کراچی/ ٹکرز وزیر داخلہ سندھ
وزیر داخلہ سندھ ضیاءالحسن لنجار کی جیکب آباد پولیس کو شاباش
ایس ایس پی جیکب آباد محمد کلیم ملک کی جرائم پیشہ افراد کے خلاف کاروائیوں کے نتیجے میں بدنام ڈاکو نثار بنگلانی نے گرفتاری پیش کردی
ڈاکو نثار بنگلانی قتل اغواء برائے تاوان سمیت شکارپور اور جیکب آباد پولیس کو معصوم بچوں کے اغواء کے کیسز میں مطلوب تھا۔
نثار بنگلانی کے خلاف مختلف نوعیت کے 36 مقدمات درج تھے۔
جیکب آباد کے ایس ایس پی پولیس اور انکی کارکردگی لائق تحسین ہے۔ ضیاءالحسن لنجار وزیر داخلہ سندھ
پولیس کی کارروائیوں کے نتیجے میں جیکب آباد میں امن وامان کی صورتحال میں واضح بہتری آئی ہے۔ وزیر داخلہ سندھ
جرائم پیشہ افراد کے خلاف موثر کارروائیاں جاری رکھی جائیں۔ ضیاءالحسن لنجار وزیر داخلہ سندھ
امن وامان کی صورتحال پر کوئی سمجھوتہ نہیں کیا جائیگا۔ ضیاءالحسن لنجار وزیر داخلہ سندھ
