کراچی، پاکستان کی ہاؤسنگ پالیسی کے منظرنامے میں ایک اہم اضافہ کے طور پر، ممتاز ماہر ہاؤسنگ فنانس، جناب ضیغم محمود رضوی کی دو تاریخی کتب کا آج این ای ڈی یونیورسٹی آف انجینئرنگ اینڈ ٹیکنالوجی، کراچی کے اشرف حبیب اللہ اے وی ہال میں باقاعدہ طور پر اجراء کیا گیا. تقریب میں درج ذیل کتب کی رونمائی کی گئ ۔
ہاؤسنگ چیلنج، مسائل اور جوابات: پاکستان کا کیس
ہاؤسنگ پالیسیز اینڈ پروگرامز: پاکستان کا کیس اور کچھ منتخب ایشیا پیسیفک ممالک کے مختصر تذکرے
یہ تقریب تعلیمی، بینکاری، ریئل اسٹیٹ ڈیولپمنٹ اور پبلک پالیسی کے ممتاز افراد کو یکجا کرنے کا ذریعہ بنی
پروفیسر ڈاکٹر محمد طفیل، وائس چانسلر، این ای ڈی یونیورسٹی، نے تحقیق اور ادارہ جاتی جدت کی اہمیت پر روشنی ڈالی تاکہ ہاؤسنگ کے حقیقی مسائل کا حل نکالا جا سکے۔
پروفیسر ڈاکٹر نعمان احمد، پرو وائس چانسلر، این ای ڈی یونیورسٹی، نے بڑھتی ہوئی ہاؤسنگ ضروریات کے تناظر میں پالیسی اور منصوبہ بندی پر تنقیدی شہری بصیرت پیش کی۔
جناب حسن بخشی، چیئرمین آباد، نے نجی شعبے کی قیادت اور تعمیراتی صنعت کی استعداد میں اضافے کی اہمیت کو اجاگر کیا۔
ڈاکٹر جنید احمد، ہاؤسنگ اور ترقیاتی پالیسی کے ماہر، نے جامع ہاؤسنگ نظاموں کے ڈیزائن میں مالیات، گورننس اور پائیداری کے تعلق پر روشنی ڈالی۔
جناب سید افتخار الحق، گروپ ہیڈ – کنزیومر فنانس، میزان بینک، نے بتایا کہ اسلامی بینکاری ماڈلز کس طرح شریعت کے مطابق اور جامع ہاؤسنگ فنانس تک رسائی کو ممکن بنا رہے ہیں۔
جناب کاشف شاہ، چیئرمین، ضا من گروپ، نے ہاؤسنگ کی فراہمی میں رکاوٹوں کے خاتمے کے لیے نجی شعبے کی اختراعات اور سرکاری و نجی اشتراک کی ضرورت پر زور د
اپنے خطاب میں، جناب ضیغم
محمود رضوی – مصنف، عالمی ہاؤسنگ فنانس کنسلٹنٹ، فلبرائٹ اسکالر، اور ایشیا پیسیفک یونین فار ہاؤسنگ فنانس کے سیکریٹری جنرل – نے گزشتہ پانچ دہائیوں پر محیط اپنی پالیسی مشاورتی خدمات پر روشنی ڈالی اور پاکستان سمیت ایشیا پیسیفک میں ایک جامع اور مؤثر ہاؤسنگ نظام کے لیے اپنا وژن پیش کیا۔
یہ کتب ہاؤسنگ ماہرین، پالیسی سازوں، اربن پلانرز، ترقیاتی ماہرین، اور مالیات و پبلک پالیسی کے طلبا کے لیے ایک قیمتی حوالہ اور علمی ذریعہ ثابت ہوں گی
تقریب کے انعقاد میں میزان بینک لمیٹڈ نے پلاٹینم اسپانسر اور ضا من گروپ نے گولڈ اسپانسر کے طور پر فراخدلانہ تعاون کیا۔ اس پروگرام کو رپل کونسیپٹس نے منظم کیا اور اسے شمولیت اور قابل رسائی کے حوالے سے ایک نمایاں مثال بنایا گیا۔
اس موقع پر افراد باہم معذوری کی شرکت، براہِ راست اشاروں کی زبان کی ترجمانی، اور اسپیکرز اور معزز مہمانوں کے لیے بصری اور نابینا افراد کے لیے قابلِ مطالعہ بریل اسناد پیش کی گئیں، جو “ڈیٹرمنڈ پاکستان” وژن کے تحت “بولتے حروف” اور “کنیکٹ ہیئر” کی مدد سے ممکن ہو سکیں۔
