فوٹو اور ویڈیو شیئرنگ ایپ انسٹاگرام نے صارفین کے لیے ایک نیا فیچر متعارف کروایا ہے جس کے تحت وہ اپنے دوستوں کی پوسٹس کو ری پوسٹ کر سکیں گے۔
البتہ، یہ ری پوسٹ کی گئی تصاویر یا ویڈیوز صارف کی مین پروفائل پر ظاہر نہیں ہوں گی، بلکہ پروفائل میں ایک مخصوص سیکشن میں دیکھی جا سکیں گی۔
انسٹاگرام کی جانب سے جلد ایک اور فیچر بھی پیش کیا جا رہا ہے جس کی مدد سے صارفین ریلز کو کھولنے کے بعد ایک ایسی فیڈ دیکھ سکیں گے جس میں صرف ان کے دوستوں کی پوسٹس شامل ہوں گی۔
کمپنی کے مطابق یہ دونوں فیچرز اس وقت امریکہ میں صارفین کے لیے دستیاب ہیں اور جلد ہی دنیا بھر میں متعارف کرا دیے جائیں گے۔
