ملک ریاض بڑی مشکل میں ایس ٹی ایچ
ملک ریاض بڑی مشکل میں ایس ٹی ایچ
Malik Riaz in big trouble | STH
خبر: ملک ریاض بڑی مصیبت میں – سپریم کورٹ اور دبئی کی پابندیوں کے درمیان
لاہور: پاکستان کے نامور ریئل اسٹیٹ ٹائیکون ملک ریاض حسین کے خلاف سپریم کورٹ اور دبئی حکومت کی کارروائیوں نے انہیں بڑی مصیبت میں ڈال دیا ہے۔ گذشتہ کئی ماہ سے ملک ریاض پر پاکستانی عدالتوں کے علاوہ بین الاقوامی سطح پر بھی تحقیقات جاری ہیں۔
ملک ریاض کی اپیل اور سپریم کورٹ کا ردعمل
ملک ریاض نے حال ہی میں ایک اپیل جاری کی جس میں انہوں نے کہا کہ ان کے خلاف چلنے والے مقدمات کو “منصفانہ طریقے سے حل کیا جائے”۔ ان کا کہنا تھا کہ ان پر بڑا ظلم ہو رہا ہے اور حکومتی ادارے ان کے خلاف سخت موقف اختیار کیے ہوئے ہیں۔ تاہم، سپریم کورٹ نے ان کی درخواست پر کوئی رعایت نہیں دی اور ان کی پراپرٹیز کی نیلامی جاری رکھی۔
دبئی میں پابندیاں اور مالی مشکلات
ذرائع کے مطابق، ملک ریاض نے اپنی دولت کو محفوظ بنانے کے لیے دبئی میں بڑے پیمانے پر سرمایہ کاری کی تھی، لیکن اب دبئی کی حکومت نے بھی ان کے خلاف کارروائی شروع کر دی ہے۔ دبئی میں ان کی پراپرٹیز پر پابندیاں عائد کی جا چکی ہیں، جس کی وجہ سے وہ مالی بحران کا شکار ہو گئے ہیں۔
رانا ثناء اللہ کا بیان
وزیر داخلہ رانا ثناء اللہ نے ایک انٹرویو میں کہا کہ ملک ریاض کے پاس اب کوئی راستہ نہیں بچا۔ انہوں نے کہا کہ “ملک ریاض کو ایک موقع دیا گیا تھا، لیکن انہوں نے اسے مسترد کر دیا۔ اب انہیں اس کا خمیازہ بھگتنا پڑ رہا ہے۔”
سیاسی حمایت ختم ہونے کے بعد مشکلات
ملک ریاض کا سیاسی اثر و رسوخ بھی کم ہو چکا ہے۔ عمران خان کی حکومت کے دوران ان کے قریبی تعلقات تھے، لیکن موجودہ حکومت نے ان کے خلاف سخت اقدامات اٹھائے ہیں۔ اب وہ بیرون ملک مقیم ہیں، لیکن دبئی اور ترکی میں بھی ان کے لیے صورتحال خراب ہو رہی ہے۔
آئندہ کی صورتحال
ماہرین کا کہنا ہے کہ ملک ریاض کے پاس اب بہت کم اختیارات باقی رہ گئے ہیں۔ اگر پاکستانی حکومت اور عدالتوں نے ان کے خلاف کارروائی جاری رکھی تو ان کی مشکلات میں مزید اضافہ ہو سکتا ہے۔
=======================
خبرنامہ نمبر 5397/2025
کوئٹہ 06 اگست2025: ضلعی انتظامیہ کوئٹہ کی جانب سے نواں کلی، جوائنٹ روڈ، سرکی روڈ اور سریاب روڈ پر تجاوزات کے خلاف مؤثر آپریشن کیا گیا۔ کارروائی کے دوران سڑکوں پر قائم غیر قانونی ریڑھیوں، تھڑوں اور دیگر تجاوزات کو مکمل طور پر ہٹا دیا گیا۔آپریشن کے دوران 30 افراد کو حراست میں لیا گیا، جن میں سے 19 کو جیل منتقل کر دیا گیا۔ یہ کارروائیاں سب ڈویژن سٹی، سب ڈویژن صدر اور سب ڈویژن سریاب کی حدود میں کی گئیں۔ضلعی انتظامیہ نے واضح کیا ہے کہ عوامی گزرگاہوں اور سڑکوں پر قبضہ کسی صورت برداشت نہیں کیا جائے گا۔ آپریشن کا مقصد شہر میں ٹریفک کی روانی کو بحال کرنا اور عوام کو سہولت فراہم کرنا ہے۔ کارروائی کے بعد مذکورہ تمام سڑکوں کو ہر قسم کی ٹریفک کے لیے بحال کر دیا گیا ہے۔ضلعی انتظامیہ نے شہریوں سے اپیل کی ہے کہ وہ تجاوزات کے خاتمے اور شہر کی خوبصورتی کے لیے انتظامیہ سے تعاون کریں۔
خبرنامہ نمبر 5497/2025
اسلام آباد 6 اگست2025: گورنر بلوچستان جعفرخان مندوخیل سے وفاقی دارالحکومت اسلام آباد میں پاکستان میں تعینات سعودی عرب کے سفیر نواف بن سعید المالکی نے ملاقات کی. ملاقات کے دوران دونوں برادر اسلامی ممالک پاکستان اور سعودی عرب کے درمیان خوشگوار تعلقات اور خطے میں رونما ہونے والی معاشی و سیاسی تبدیلیوں سمیت باہمی دلچسپی کے امور پر تبادلہ خیال کیا گیا. اس موقع پر گورنر بلوچستان جعفرخان مندوخیل نے کہا کہ پاکستان اور سعودی عرب کے درمیان قریبی دوستی اور خوشگوار تعلقات پورے خطے میں دیرپا امن پر مثبت اثر ڈالتے ہیں۔ گورنر مندوخیل نے کہا کہ تاریخ گواہ ہے کہ ہر مشکل گھڑی میں سعودی عرب کا پاکستان سے خصوصی تعاون رہا ہے. انہوں نے کہا کہ ہم نے کوئٹہ کے انٹرنیشنل ایئرپورٹ سے کچھ عرصہ پہلے براہ راست عمرہ پروازوں کا باقاعدہ افتتاح کیا جس کے نتیجے میں حجاج کرام اور عمرہ کی سعادت حاصل کرنے والوں کو ہوائی سفر کے دوران آسانیاں پیدا ہوئیں. بلاشبہ براہ راست پروازوں کے اقدامات سے بلوچستان کے عوام کو بھی بڑی سہولت میسر آئی ہے. پاکستان میں تعینات سعودی عرب کے سفیر نواف بن سعید المالکی نے بلوچستان کے عوام کو کوئٹہ سے ڈائریکٹ سعودی عرب جانے کی سہولت فراہم کرنے پر گورنر بلوچستان جعفرخان مندوخیل کی ذاتی کوششوں کو سراہا اور گورنر بلوچستان کو سعودی عرب کے قومی دن پر سعودی عرب آنے کی دعوت دی
خبرنامہ نمبر5396/2025
اسلام آ باد 6 اگست2025: گورنر بلوچستان جعفرخان مندوخیل نے وفاقی دارالحکومت اسلام آباد میں چئیرمین سینیٹ آف پاکستان سید یوسف رضا گیلانی کے چچا زاد بھائی سید تنویر الحسن گیلانی کی وفات پر گہرے رنج ودکھ کا اظہار کیا ہے۔ اپنے ایک تعزیتی بیان میں گورنر بلوچستان جعفرخان مندوخیل نے مرحوم کی مغفرت اور لواحقین کیلئے صبرو ہمت کی دعا کی ہے۔ گورنر مندوخیل نے سوگوار خاندان کے ساتھ یکجہتی اور غمرازی کا اظہار کیا
