معروف پاکستانی گلوکارہ عائمہ بیگ نے خاموشی سے اپنی زندگی کے ایک نئے سفر کا آغاز کر لیا۔ ذرائع کے مطابق، عائمہ بیگ نے پاکستانی نژاد فیشن ڈیزائنر زین احمد سے کینیڈا میں نجی تقریب کے دوران نکاح کر لیا ہے۔
عائمہ بیگ، جو اپنی منفرد آواز اور گیتوں کی وجہ سے لاکھوں دلوں پر راج کرتی ہیں، نے اس موقع پر سادگی کو ترجیح دی۔ نکاح کی تقریب صرف قریبی رشتہ داروں اور دوستوں کی موجودگی میں منعقد کی گئی، جہاں عائمہ نے سفید لباس زیب تن کیا اور زین احمد نے بھی روایتی شیروانی پہنی۔
= ======= ====
For More Stories Visit www.jeeveypakistan.com
============
اس سے قبل عائمہ بیگ کی منگنی اداکار شہباز شگری سے ہوئی تھی، جو 2021 میں کافی میڈیا کی توجہ کا مرکز بنی۔ تاہم، 2022 میں دونوں نے علیحدگی کا اعلان کر دیا تھا۔ عائمہ نے سوشل میڈیا پر علیحدگی کی تصدیق کرتے ہوئے کہا تھا کہ وہ شہباز کے ساتھ اچھے تعلقات کے ساتھ الگ ہو رہی ہیں۔
اب، عائمہ بیگ کی شادی کی خبر نے مداحوں کو خوشگوار حیرت میں مبتلا کر دیا ہے۔ سوشل میڈیا پر مداحوں کی جانب سے انہیں نئی زندگی کے لیے نیک تمناؤں اور دعاؤں کا سلسلہ جاری ہے۔
ابھی تک عائمہ یا زین کی طرف سے کوئی باضابطہ بیان جاری نہیں کیا گیا، مگر ذرائع کے مطابق دونوں جلد پاکستان واپس آ کر قریبی دوستوں کے لیے استقبالیہ تقریب منعقد کرنے کا ارادہ رکھتے ہیں۔
