پاکستان اسٹاک ایکسچینج (پی ایس ایکس) میں سرمایہ کاروں کے اعتماد اور دلچسپی کے باعث کاروباری ہفتے کے دوسرے روز بھی مارکیٹ میں مثبت رجحان دیکھا جا رہا ہے۔
مارکیٹ کھلتے ہی تیزی کا رجحان غالب رہا، اور 100 انڈیکس میں 444 پوائنٹس کا نمایاں اضافہ ریکارڈ کیا گیا، جس کے بعد انڈیکس 1,42,496 پوائنٹس کی سطح تک پہنچ گیا۔
کاروباری سرگرمیوں کے دوران انڈیکس نے ایک موقع پر 1,42,721 پوائنٹس کی بلند ترین سطح کو بھی چھوا، جو سرمایہ کاروں کے بھرپور اعتماد کی عکاسی کرتا ہے۔
یاد رہے کہ گزشتہ روز کاروبار کے اختتام پر 100 انڈیکس 1,42,052 پوائنٹس پر بند ہوا تھا، جو اس وقت تک کی ایک بڑی پیش رفت سمجھی جا رہی تھی۔
