پاکستان اسٹاک ایکسچینج (پی ایس ایکس) میں کاروباری ہفتے کے پہلے دن مثبت سرگرمی دیکھی گئی۔
مارکیٹ کا آغاز 927 پوائنٹس کی نمایاں تیزی سے ہوا، جس کے بعد حصص بازار نے نئی تاریخ رقم کرتے ہوئے پہلی مرتبہ 1 لاکھ 42 ہزار کی حد عبور کر لی۔
100 انڈیکس میں دورانِ کاروبار اتار چڑھاؤ کا رجحان برقرار رہا، اور انڈیکس میں 496 پوائنٹس کا اضافہ ریکارڈ کیا گیا، جس کے ساتھ ہی انڈیکس 1 لاکھ 41 ہزار 531 پوائنٹس تک پہنچ گیا۔
آج کے دوران 100 انڈیکس نے 1 لاکھ 42 ہزار 174 پوائنٹس کی بلند ترین سطح کو بھی چھوا۔
یاد رہے کہ گزشتہ ہفتے کے آخری کاروباری روز مارکیٹ 1 لاکھ 41 ہزار 34 پوائنٹس پر بند ہوئی تھی۔
