لاہور کے مختلف علاقوں میں کہیں ہلکی تو کہیں تیز بارش کے بعد موسم خوشگوار اور خوشگوار ہو گیا۔
ہربنس پورہ، جیل روڈ، گڑھی شاہو اور ڈیوس روڈ سمیت متعدد علاقوں میں شدید بارش ہوئی، جس سے گرمی کا زور ٹوٹ گیا۔
ادھر محکمہ موسمیات نے ملک بھر میں بارشوں کے نئے سلسلے کی پیش گوئی کی ہے جو کل یعنی 5 اگست سے شروع ہونے کا امکان ہے۔
محکمہ موسمیات کے مطابق مغربی ہوائیں 5 اگست سے ملک میں داخل ہوں گی، جس کے نتیجے میں پنجاب، خیبرپختونخوا، کشمیر اور گلگت بلتستان کے کئی علاقوں میں تیز اور موسلا دھار بارشیں ہونے کی توقع ہے۔
اسلام آباد، راولپنڈی، لاہور اور گوجرانوالہ میں شہری سیلاب (اربن فلڈنگ) کا خدشہ ظاہر کیا گیا ہے، جبکہ مری اور گلیات میں لینڈ سلائیڈنگ کے امکانات بھی موجود ہیں۔
علاوہ ازیں، 6 اگست کو بلوچستان میں بھی موسلا دھار بارش کی پیش گوئی کی گئی ہے۔
