کراچی، پاکستان (28 جولائی 2025) پاکستان پبلک ریلیشنز، ایونٹس، ڈیجیٹل اینڈ ایکٹیویشنز ایسوسی ایشن اور معروف تجرباتی مارکیٹنگ ایجنسی پناکل ایکس نے آج ایک اہم تقریب میں مفاہمتی یادداشت پر دستخط کیے جس کے تحت وہ 2026 کی پہلی سہ ماہی میں کراچی میں ایک تاریخی انڈسٹری کانفرنس بعنوان “ایکو سسٹم کی تعمیر” کا مشترکہ طور پر انعقاد کریں گے۔
یہ کانفرنس مختلف شعبہ جات کے ماہرین، پیشہ ور افراد، خیالات کے رہنما اور کاروباری اداروں کو ایک پلیٹ فارم فراہم کرے گی تاکہ وہ اپنے تجربات، بصیرت اور خیالات کا تبادلہ کر سکیں۔ اس کا مقصد تعمیری مکالمے کو فروغ دیتے ہوئے پاکستان کے پبلک ریلیشنز، ایونٹس، ایکٹیویشنز اور ڈیجیٹل ایکو سسٹم کے مستقبل کی مشترکہ تشکیل میں موثر کردار ادا کرنا ہے۔
اس موقع پر پریڈا کی ایگزیکٹو کمیٹی کے ارکان جن میں صدر سلینا راشد خان، سینئر نائب صدر فریحہ الطاف، سیکریٹری و بانی صدر شہناز رمزی، نائب صدر برائے کمیونیکیشنز و کارپوریٹ افیئرز فرشتے اسلم، نائب صدر برائے ایونٹس و ایکٹیویشنز سرفراز نیازی اور خزانچی حسن رضوی شامل تھے، نے کہا “یہ شراکت داری ہمارے اس مشترکہ عزم کی ترجمانی کرتی ہے کہ ہم خیالات کی قیادت کو فروغ دیں اور صنعت کی ترقی کے لیے ایک متحد پلیٹ فارم تشکیل دیں۔ انڈسٹری کی بڑھتی ہوئی ضروریات کے پیش نظر، ہم سب مل کر ایسا ایکو سسٹم تعمیر کرنا چاہتے ہیں جو جامع، مضبوط اور مستقبل کے تقاضوں سے ہم آہنگ ہو، خاص طور پر ان شعبوں کے لیے جن کی نمائندگی پریڈا کرتا ہے-”
پناکل ایکس کے بانی اور چیف آپریٹنگ آفیسر آصف میمن نے اپنے خطاب میں کہا “پناکل ایکس کو اس اہم کانفرنس کے انعقاد میں پریڈا کے ساتھ تعاون پر فخر ہے۔ ہمارا ایمان ہے کہ مختلف شعبہ جات کے درمیان مضبوط تعاون ہی جدت اور ترقی کی کنجی ہے۔ یہ کانفرنس نہ صرف ہماری صنعتوں کی اجتماعی طاقت کو اجاگر کرے گی بلکہ ایک مربوط اور پائیدار ترقی کی مضبوط بنیاد بھی فراہم کرے گی-”
کانفرنس کے حوالے سے شرکت، موضوعات اور مقررین کے مواقع کی تفصیلات آئندہ مہینوں میں شائع کی جائیں گی تاکہ تمام متعلقہ فریقین بروقت معلومات حاصل کر سکیں اور بھرپور تیاری کے ساتھ حصہ لے سکیں۔
یہ شراکت داری دراصل پریڈا کے بانی اصولوں کی عملی عکاسی ہے، جن کا مقصد ایک شفاف، اصول پسند اور پیشہ ورانہ انڈسٹری کو فروغ دینا ہے۔ پریڈا اپنی نمائندگی کرنے والے مختلف شعبوں میں معیارات کی بلندی، باہمی تعاون کی مضبوطی اور جدت کے نئے سنگ میل قائم کرنے کے لیے بھرپور عزم اور مستقل محنت جاری رکھے ہوئے ہے۔
یہ کانفرنس انڈسٹری کے تمام اہم اسٹیک ہولڈرز کے درمیان رابطے کو مضبوط کرنے، نئے خیالات کو فروغ دینے اور ترقی کے لیے ایک مشترکہ وڑن قائم کرنے میں مددگار ثابت ہوگی۔ اس کے ذریعے پاکستان کی پبلک ریلیشنز، ایونٹس، ڈیجیٹل اور ایکٹیویشنز کی صنعتوں کو عالمی سطح پر مزید مستحکم اور مربوط بنانے کا موقع ملے گا۔
پریڈا اور پناکل ایکس کی یہ مشترکہ کاوش اس بات کی غمازی کرتی ہے کہ پاکستان کی مارکیٹنگ اور مواصلاتی صنعتیں ایک نئے دور میں داخل ہو رہی ہیں جہاں تعاون، شفافیت اور جدت کو مرکزی حیثیت دی جا رہی ہے۔ اس کانفرنس کے انعقاد سے نہ صرف موجودہ چیلنجز کا مقابلہ کیا جائے گا بلکہ مستقبل کے لیے مضبوط اور پائیدار راستے بھی کھولے جائیں گے۔
