انگلینڈ اور بھارت کے درمیان کھیلے گئے چوتھے ٹیسٹ میچ کے دوران اولڈ ٹریفورڈ اسٹیڈیم سے باہر نکالے جانے والے پاکستانی تماشائی فاروق نذر کا کہنا ہے کہ لنکا شائر کرکٹ کلب نے ابھی تک انہیں نکالنے کی کوئی واضح وجہ نہیں بتائی۔
فاروق نذر نے ایک بیان میں کہا کہ انہوں نے واقعے کے بعد لنکا شائر کرکٹ کو ای میل کے ذریعے شکایت درج کرائی ہے، لیکن اب تک کوئی جواب موصول نہیں ہوا۔ ان کا کہنا تھا، “مجھے صرف پاکستانی ٹی شرٹ اتارنے یا گراؤنڈ چھوڑنے کو کہا گیا، جبکہ میں 3 گھنٹے تک بھارتی شائقین کے ساتھ پُرامن طریقے سے میچ دیکھتا رہا۔ ذاتی سیکیورٹی کا دعویٰ درست نہیں۔”
واضح رہے کہ بھارت اور انگلینڈ کے درمیان ٹیسٹ میچ کے دوران فاروق نذر کو پاکستان کرکٹ ٹیم کی شرٹ پہننے پر اسٹیڈیم سے نکال دیا گیا تھا، جس کے بعد سے یہ معاملہ تنازع کا شکار ہو گیا ہے۔
