پاکستان اسٹاک ایکسچینج (PSX) میں کاروباری ہفتے کے اختتام پر غیرمعمولی تیزی دیکھی گئی، جس کے نتیجے میں 100 انڈیکس نے نیا تاریخی ریکارڈ قائم کر دیا۔
جمعے کو مارکیٹ کے دوران 100 انڈیکس میں 1670 پوائنٹس کا بڑا اضافہ ریکارڈ کیا گیا، جس کے بعد انڈیکس 1,41,061 پوائنٹس کی سطح پر پہنچ گیا۔ کاروبار کے دوران ایک وقت ایسا بھی آیا جب انڈیکس 1,41,097 پوائنٹس کی تاریخی بلند ترین سطح پر دیکھا گیا۔
یاد رہے کہ گزشتہ روز کاروباری دن کے اختتام پر 100 انڈیکس 1,39,390 پوائنٹس پر بند ہوا تھا، جس کے مقابلے میں آج کی یہ تیزی سرمایہ کاروں کے اعتماد کا مظہر سمجھی جا رہی ہے۔
