بالی ووڈ کے معروف اداکار عامر خان نے اپنی فلم “ستارے زمین پر” کی او ٹی ٹی ریلیز یوٹیوب پر کرنے کا اعلان کر دیا ہے۔
یہ فلم، جو کہ عامر خان کی 2007 میں ریلیز ہونے والی کامیاب فلم “تارے زمین پر” کا سیکوئل سمجھی جا رہی ہے، 20 جون کو سنیما گھروں میں نمائش کے لیے پیش کی گئی تھی۔ اب اداکار نے تصدیق کی ہے کہ فلم کو یکم اگست سے یوٹیوب موویز آن ڈیمانڈ پر ریلیز کیا جائے گا۔
فلم دنیا بھر کے 38 ممالک، جن میں امریکا، برطانیہ، کینیڈا، آسٹریلیا، جرمنی اور سنگاپور شامل ہیں، میں دستیاب ہوگی۔
عامر خان نے یوٹیوب کو او ٹی ٹی پلیٹ فارم کے طور پر منتخب کرنے کی وجہ بتاتے ہوئے کہا کہ:
“تقریباً 15 سال قبل میں نے مشاہدہ کیا کہ ہماری سب سے کامیاب فلمیں، جیسے ’3 ایڈیٹس‘ اور ’دنگل‘، صرف 2 سے 3 فیصد لوگ تھیٹر میں دیکھتے ہیں۔
تو میں نے سوچا کہ باقی 97-98 فیصد ناظرین تک کیسے پہنچا جائے؟ اس لیے میں چاہتا ہوں کہ ہر بھارتی ناظر اس فلم تک آسانی سے رسائی حاصل کر سکے۔”
یہ بھی واضح رہے کہ سوشل میڈیا پر شائقین کی جانب سے فلم پر یہ الزام بھی عائد کیا جا رہا ہے کہ یہ ہالی ووڈ فلم “چیمپیئنز” کا ری میک ہے۔
