دوستو! کرکٹ کا سیزن عروج پر ہے اور دنیا کی تقریباً تمام بڑی ٹیمیں ایکشن میں نظر آ رہی ہیں۔
انگلینڈ اور بھارت کے درمیان جاری ٹیسٹ سیریز کا آخری ٹیسٹ میچ 31 جولائی سے شروع ہونے جا رہا ہے، جس میں انگلینڈ کو سیریز میں 2-1 کی برتری حاصل ہے۔
اسی دن یعنی 31 جولائی سے پاکستان اور ویسٹ انڈیز کے درمیان سیریز کا آغاز بھی ہو رہا ہے، جس میں ون ڈے اور ٹی ٹوئنٹی میچز کھیلے جائیں گے۔ شائقین اس دلچسپ مقابلے کا بے صبری سے انتظار کر رہے ہیں۔
ادھر آسٹریلیا، جو حال ہی میں ویسٹ انڈیز کو ان کے ہوم گراؤنڈ پر ٹیسٹ اور ٹی ٹوئنٹی سیریز میں وائٹ واش کر کے واپس آئی ہے، اب 10 اگست سے جنوبی افریقہ کی میزبانی کرے گی۔ یہ سیریز ٹی ٹوئنٹی اور ون ڈے فارمیٹ پر مشتمل ہو گی، اور خاص بات یہ ہے کہ جنوبی افریقہ اس وقت ورلڈ ٹیسٹ چیمپئن ہے۔
اس کے بعد 9 ستمبر سے ایشیا کپ کا آغاز ہونے جا رہا ہے، جس کا شیڈول بھی جاری کر دیا گیا ہے۔ یہ ٹورنامنٹ 9 ستمبر سے 28 ستمبر تک دبئی میں کھیلا جائے گا۔
