روانڈا میں ہونے والے ”اوبومنٹو آرٹس فیسٹیول 2025ء“ میں آرٹس کونسل آف پاکستان کراچی کی میوزک اکیڈمی کے ڈائریکٹرز اور میوزیشنز کی دھوم
معروف گلوکار ارمان رحیم، احسن باری، جہانزیب شاہ (گزری)، مصطفی بلوچ اور امیش لدھانی نے اپنی پرفارمنس سے شائقین کے دل جیت لیے
کراچی ( ) روانڈا میں ہونے والے ”اوبومنٹو آرٹس فیسٹیول 2025ء“ میں پاکستان کی جانب سے آرٹس کونسل آف پاکستان کراچی نے نمائندگی کی جس میں آرٹس کونسل میوزک اکیڈمی کے ڈائریکٹرز اور میوزیشنز نے شرکت کی۔ فیسٹیول میں “The Loudest Whisper” کے عنوان پر ڈرامائی میوزیکل پرفارمنس میں ارمان رحیم، احسن باری، جہانزیب شاہ(گزری)، مصطفی بلوچ اور امیش لدھانی نے پاکستان ،کشمیر اور روانڈا سمیت دنیا بھر میں ہونے والے معصوم لوگوں کے قتل عام پر پرفارم کرکے دیکھنے والوں کی توجہ اپنی جانب مرکوز کی، پرفارمنس میں دکھایا گیا کہ پوری دنیا اس ناحق قتل عام پر کس طرح خاموش نظر آئی جوکہ بہت غلط بات ہے، ثقافتی طائفہ کی جانب سے پیش کی جانے والی ڈرامائی میوزیکل پرفارمنس کو عالمی سطح پر سراہا گیا۔ فیسٹیول میں
12سے زائد ممالک نے شرکت کی جن میں امریکہ ، پاکستان ،سری لنکا ، ساؤتھ افریقہ ، کونگو ،کینیا، نائیجریا، تنزانیا،یوگانڈا، فرانس، نیدرلینڈ،ڈی آر سی، برونڈی، روانڈا سمیت نیپال اور ز مبابوے شامل تھے جبکہ پاکستان سے میوزک اکیڈمی کے ڈائریکٹر و معروف گلوکار ارمان رحیم، گلوکار احسن باری، جہانزیب علی شاہ (گزری)، مصطفی بلوچ اور ڈپٹی ڈائریکٹر اکیڈمیز امیش لدھانی نے اوبومنٹو آرٹس فیسٹیول 2025ء میں آرٹس کونسل آف پاکستان کراچی کی جانب سے نمائندگی کی۔ ان کی کارکردگی کا مقصد موسیقی کی آفاقی زبان کے ذریعے امن اور ثقافتی ہم آہنگی کو متاثر کرنا ہے۔
