بالی ووڈ کے معروف اداکار عامر خان نے ایک اہم اعلان کے لیے پریس کانفرنس کرنے کا اعلان کیا ہے جس نے مداحوں اور سوشل میڈیا پر تہلکہ مچا دیا ہے۔
عامر خان پروڈکشنز کی جانب سے 29 جولائی کو ایک خاص پریس کانفرنس منعقد کرنے کی اطلاع سوشل میڈیا پر وائرل ہو رہی ہے اور اس نے لوگوں کی توجہ اپنی طرف مبذول کر لی ہے۔
اس اعلان کے بعد مداحوں میں یہ قیاس آرائیاں شروع ہو گئی ہیں کہ عامر خان اپنی تیسری شادی کا اعلان کرنے والے ہیں، کیونکہ پہلے بھی اسی انداز کی پریس کانفرنس کے ذریعے انہوں نے اپنے گرل فرینڈ گوری سے تعلقات اور ساتھ رہنے کا اعلان کیا تھا۔
مداحوں کا خیال ہے کہ اس بار عامر خان شادی کی خوشخبری سنانے جا رہے ہیں اور وہ اس حوالے سے بے حد پرجوش ہیں۔ ایک حالیہ انٹرویو میں عامر خان نے کہا تھا کہ “گوری اور میں ایک سنجیدہ تعلق میں ہیں، میں نے دل سے تو پہلے ہی شادی کر لی ہے مگر اب رسمی طور پر شادی کا فیصلہ باقی ہے۔”
