پاکستان اسٹاک ایکسچینج (پی ایس ایکس) میں کاروباری ہفتے کے پہلے دن مارکیٹ میں اچھا رجحان دیکھا گیا، جس کے نتیجے میں ایک لاکھ 40 ہزار کی نفسیاتی حد دوبارہ حاصل کر لی گئی ہے۔
کاروبار کے دوران کے ایس ای 100 انڈیکس میں 859 پوائنٹس کا اضافہ ریکارڈ کیا گیا، جس کے بعد انڈیکس 140,066 پوائنٹس کی سطح پر پہنچ گیا۔ آج کے دوران انڈیکس نے ایک موقع پر 140,149 پوائنٹس کی بلندی بھی چھوئی۔
گذشتہ ہفتے کے آخری کاروباری دن کے اختتام پر کے ایس ای 100 انڈیکس ایک لاکھ 39 ہزار 207 پوائنٹس پر بند ہوا تھا۔
