نیشنل ڈیزاسٹر مینجمنٹ اتھارٹی (این ڈی ایم اے) نے ملک بھر میں بارشوں سے ہونے والے جانی و مالی نقصانات کی تازہ تفصیلات جاری کر دی ہیں۔
رپورٹ کے مطابق حالیہ بارشوں کے نتیجے میں ملک بھر میں 272 افراد جان کی بازی ہار چکے ہیں جبکہ 655 سے زائد افراد زخمی ہوئے ہیں۔
جاں بحق افراد میں 93 مرد، 47 خواتین اور 132 بچے شامل ہیں، جبکہ زخمیوں میں 257 مرد، 182 خواتین اور 216 بچے شامل ہیں۔
بارشوں سے 1,192 مکانات کو جزوی یا مکمل نقصان پہنچا ہے جبکہ 367 مویشی بھی ہلاک ہو چکے ہیں۔
علاقائی تفصیلات درج ذیل ہیں:
اسلام آباد: 8 ہلاکتیں، 3 افراد زخمی
پنجاب: 145 افراد جاں بحق، 514 زخمی
خیبرپختونخوا: 65 اموات، 80 زخمی
سندھ: 25 ہلاکتیں، 40 افراد زخمی
بلوچستان: 20 افراد جاں بحق، 4 زخمی
گلگت بلتستان: 8 ہلاکتیں، 4 زخمی
آزاد کشمیر: 2 اموات
این ڈی ایم اے نے عوام سے احتیاطی تدابیر اپنانے اور مقامی انتظامیہ کی ہدایات پر عمل کرنے کی اپیل کی ہے تاکہ مزید جانی نقصان سے بچا جا سکے۔
