کراچی() جامعہ این ای ڈی کے شعبہ یونی ورسٹی ایڈوانسمنٹ اینڈ فنانشل اسسٹنس(یوفا) کے تحت سابقہ طالب علموں کے تجربات پر مبنی میگزین THE NED EXPERIENCE کو آن لائن اپلوڈ کردیا گیا۔ اس موقعے پر پرووائس چانسلر ڈاکٹر نعمان احمد اور ڈائریکٹر یوفا ڈاکٹر محمد عامر قریشی نے میگزین سے متعلق آگہی دی جب کہ چیئرمین انسٹی آف انجینئرز کے چیئرمین انجینئر سہیل بشیر اور صاحبزادہ فاروق احمد رفیق نے این ای ڈی کے ہر شعبہ جات کی تاریخ کو ضبطِ قلم کرنے پر زُور دیا۔اس موقعے پر ماں جی انڈومنٹ فنڈ کے بانی آفتاب رضوی نے اپنے ریکارڈ کردہ پیغام میں کہاکہ این ای ڈی ایک بلڈ گروپ کی طرح ہے اور میگزین کے اوراق آپ کو اسی بلڈ گروپ کی آگہی دے رہے ہیں۔ میگزین سے متعلقہ اس تقریب میں شیخ االجامعہ این ای ڈی ڈاکٹر محمد طفیل کا کہنا تھا کہ میگزین دستاویز ہوتا ہے جس کی قدر و قیمت ہر دَور میں رہتی ہے۔ اب دَور سوفٹ اسکلز کا ہے تو تقاضوں کو مدنظر رکھتے ہوۓ اس میگزین کا پانچواں آن لائن ایڈیشن اپلوڈ کیا گیا ہے جوکہ ہر دو سال پر اپلوڈ کیا جاتا ہے۔ انہوں نے میگزین کی ٹیم میں سرٹیفیکٹ تقسیم کیے اور ان کی گراں قدر کاوشوں کو سراہا۔
