پاکستانی شوبز کی مقبول اداکارہ اور اسٹائل آئیکون عائزہ خان ان دنوں گرمیوں کی چھٹیاں بیرون ملک گزار رہی ہیں اور اپنی خوبصورت یادگار لمحات مداحوں کے ساتھ شیئر کر رہی ہیں۔
حال ہی میں انہوں نے نیدرلینڈز سے اپنی کچھ تازہ تصاویر انسٹاگرام پر پوسٹ کیں، جن میں انہیں کھلے سرسبز میدانوں میں مارننگ یوگا کرتے اور پرسکون قدرتی مناظر سے لطف اندوز ہوتے دیکھا جا سکتا ہے۔
عائزہ نے ان تصاویر کے ساتھ کیپشن میں مداحوں کے لیے محبت بھرا پیغام بھی دیا:
“صبح بخیر، آپ سب کے لیے آج کے دن کے لیے سکون، مثبت سوچ اور نرمی بھری توانائی کی دعا ہے۔”
سوشل میڈیا پر ان کی پوسٹ تیزی سے وائرل ہو رہی ہے، جہاں صارفین نہ صرف عائزہ کی خوبصورتی بلکہ ان کے پُرسکون اور مثبت طرزِ زندگی کی بھی تعریف کر رہے ہیں۔ ان کے مداحوں نے تبصروں میں محبت اور حوصلہ افزائی کا اظہار کیا ہے۔























