ہر ایک کے لیے گھر بیٹھے کام -سیکھیں / حلال آمدنی / تجارت اب پاکستان میں
ہر ایک کے لیے گھر بیٹھے کام -سیکھیں / حلال آمدنی / تجارت اب پاکستان میں
Ghar Bethe kam seekhe sab k liye /Halal Passive Income /Trading Now Legal In Pakistan /Chef Uzma
======================
روشن ڈیجیٹل کھاتوں کی مجموعی تعداد 8 لاکھ 31 ہزار 963 ہوگئی، اسٹیٹ بینک
اسٹیٹ بینک آف پاکستان (ایس بی پی) نے روشن ڈیجیٹل اکاؤنٹس کی تفصیلات جاری کر دیں، مالی سال 2025ء میں ایک لاکھ 19 ہزار 185 روشن ڈیجیٹل کھاتے کھولے گئے ہیں۔
اسٹیٹ بینک کے مطابق روشن ڈیجیٹل کھاتوں کی مجموعی تعداد 8 لاکھ 31 ہزار 963 ہوگئی ہے، مالی سال 2025ء میں روشن ڈیجیٹل کھاتوں میں 2.308 ارب ڈالر جمع کرائے گئے، جبکہ ستمبر 2020ء تا جون 2025ء روشن ڈیجیٹل کھاتوں میں 10.563 ارب ڈالر جمع کرائے گئے۔
2024ء میں روشن ڈیجیٹل اکاؤنٹس سے کتنے ڈالرز نکلوائے گئے؟
مرکزی بینک کا کہنا ہے کہ مالی سال 2025ء میں روشن کھاتوں سے 20 کروڑ ڈالر واپس نکلوائے گئے، روشن کھاتوں سے 57 مہینوں میں 1.811 ارب ڈالر واپس نکلوائے گئے، مالی سال 2025ء میں روشن کھاتوں سے 1.55 ارب ڈالر مقامی سطح پر خرچ کیے گئے۔
اسٹیٹ بینک کے مطابق روشن ڈیجیٹل کھاتوں سے 57 ماہ میں 6.762 ارب ڈالر مقامی سطح پر خرچ کیے گئے، مالی سال 2025ء کے اختتام پر روشن کھاتوں میں جمع واجب ادا ڈپازٹس 1.99 ارب ڈالر ہیں، مالی سال 2025 میں روشن کھاتوں کے واجب ادا ڈپازٹس 55.8 کروڑ ڈالر بڑھے ہیں۔
=======================
دیامر : بابوسر ریلے میں جاں بحق ڈاکٹر مشال اور دیور کی میتیں لودھراں روانہ کردی گئیں
تازہ ترینقومی خبریں23 جولائی ، 2025
دیامر میں بابوسر ریلے میں جاں بحق ڈاکٹر مشال اور ان کے دیور کی میتیں لودھراں روانہ کردی گئیں۔
تھور نالے میں سیلاب میں دو افراد بہہ گئے، جن کی تلاش جاری ہے۔ تھک لوشی کے مقام پر سیلاب سے پل کو نقصان پہنچا، سیلاب سے مواصلاتی نظام درہم برہم ہوگیا، سیاحوں کو رابطوں میں مشکلات کا سامنا ہے۔
والد نے چچی اور 3 سالہ کزن کو بچانے کیلئے سیلابی ریلے میں چھلانگ لگائی، بیٹا فہد اسلام
بابوسر ٹاپ پر پیر کے روزکلاؤڈ برسٹ کے باعث سیلاب میں بہہ جانے والے 15 سیاحوں کی تلاش آج بھی جاری رہی۔
ترجمان صوبائی حکومت کے مطابق شاہراہ قراقرم دوبارہ دو مقامات پر بند ہے۔ شاہراہ قراقرم کی بندش سے ہزاروں مسافر جگہ جگہ پھنسے ہوئے ہیں۔
دوسری جانب ملک میں بارشوں کے باعث مزید 10 افراد جاں بحق اور 13 زخمی ہوگئے۔
چلاس: سیلاب کے باوجود مقامی افراد سیاحوں کی مدد کیلئے پیش پیش رہے
این ڈی ایم اے کے مطابق بارشوں کے باعث 26 جون سے اب تک ملک بھر میں جاں بحق افراد کی تعداد 252 ہوگئی، جبکہ زخمیوں کی تعداد 611 ہو چکی ہے۔
جاں بحق ہونے والوں میں 85 مرد 46 خواتین اور 121 بچے شامل ہیں۔ سب سے زیادہ ہلاکتیں پنجاب میں 139 ہوئیں۔ خیبر پختون خواہ میں 60 افراد جاں بحق ہوئے۔ سندھ میں 24 ،، جب کہ بلوچستان میں 16 افراد جاں بحق ہوئے۔ 24 گھنٹوں میں 151 مکانات گرے۔ 120 مویشی ہلاک ہوئے۔
