بلوچستان میں غیرت کے نام پر قتل کے ہولناک واقعے نے ملک بھر میں غم و غصے کی لہر دوڑا دی ہے، جہاں شوبز شخصیات نے بھی اس ظلم پر شدید ردعمل دیا ہے۔
بلوچستان کے علاقے ڈیگاری میں پیش آنے والے واقعے نے نہ صرف عوام کو ہلا کر رکھ دیا بلکہ ہانیہ عامر کو بھی خاموش نہ رہنے دیا۔ ہانیہ عامر نے سوشل میڈیا پر اس اندوہناک سانحے پر آواز بلند کرتے ہوئے اسے معاشرے کے لیے ایک شرمناک لمحہ قرار دیا۔
ہانیہ عامر نے انسٹاگرام پر ایک معنی خیز پوسٹ شیئر کی، جس پر لکھا تھا: “اگر عورتیں غیرت کے نام پر قتل کرنے لگیں تو شاید ایک بھی مرد زندہ نہ بچے۔”
اگرچہ انہوں نے مزید کچھ تحریر نہیں کیا، لیکن مداحوں اور صارفین نے اس جملے کو بلوچستان واقعے کے تناظر میں ایک زوردار پیغام تصور کیا۔
