عمران خان کے بیٹے امریکہ پہنچ گئے، گرینل سے ملاقات شاہ محمود کلیئر گنڈا پور کا زوال؟
عمران خان کے بیٹے امریکہ پہنچ گئے، گرینل سے ملاقات شاہ محمود کلیئر گنڈا پور کا زوال؟
Imran Khan’s Sons Land in U.S., Meet Grenell | Shah Mehmood CLEARED| Gandapur’s Fall?
===============
9 مئی کے کیس میں انصاف کا بول بالا ہوا ہے، بیرسٹر عقیل
وزیر مملکت برائے قانون و انصاف بیرسٹر عقیل ملک نے کہا ہے کہ 9 مئی کے کیس میں انصاف کا بول بالا ہوا ہے۔
ایک بیان میں بیرسٹر عقیل ملک کا کہنا تھا کہ یہ کبھی وکیل پیش نہیں کرتے تھے، کبھی خود پیش نہیں ہوتے تھے، تمام شواہد پیش کیے گئے، تمام تقاضے پورے کیے گئے جبکہ فیصلہ آئین و قانون کے مطابق ہے۔
پارٹی نے نواز شریف کی رہنمائی میں ہی اجلاس کے اندر بھرپور نمائندگی کی، بیرسٹر عقیل ملک
انہوں نے کہا کہ فیصلہ ان کے خلاف آتا ہے تو کہتے ہیں فیصلہ منظور نہیں، عمرایوب، عالیہ حمزہ، ملک احمد بھچر اور احمد چٹھہ سمیت 32 افراد کو سزا قانونی عمل پورا ہونے پر سنائی گئی ہے۔
ان کا مزید کہنا تھا کہ جناح ہاؤس اور جی ایچ کیو حملہ کیس کا فیصلہ بھی جلد آجائے گا۔
==================
حماد اظہر کے والد میاں اظہر انتقال کرگئے
حماد اظہر کے والد میاں اظہر انتقال کرگئے
سابق گورنر پنجاب اور پاکستان تحریک انصاف (پی ٹی آئی) کے رہنما حماد اظہر کے والد میاں اظہر انتقال کرگئے۔
پی ٹی آئی رہنما حماد اظہر کی جانب سے جاری بیان میں کہا گیا ہے کہ میرے عظیم اور پیارے والد میاں محمد اظہر قضائے الہٰی سے وفات پاگئے ہیں۔
حماد اظہر نے بتایا کہ میرے والد کی نماز جنازہ کل دوپہر ڈیڑھ بجے قذافی اسٹیڈیم کے باہر ادا کی جائے گی۔
سینئر سیاستدان میاں اظہر لاہور سے رکن قومی اسمبلی بھی تھے، فیملی ذرائع کے مطابق وہ کچھ عرصے سے علیل تھے۔
میاں اظہر لاہور کے میئر بھی رہے، تاہم بعد میں وہ مسلم لیگ ن کی جانب سے گورنر پنجاب اور رکن قومی اسمبلی بھی منتخب ہوئے، انہیں مسلم لیگ ق کا بانی بھی کہا جاتا ہے۔
