Multan Update information Group
Rao Asif
😭بابوسر کی بے بس شام !!
بابوسر کی پرخلوص وادیوں کی آخری پکار میں گہرا غم اور زندگی کا ماتم تھا جب لودھراں سے انہی وادیوں کے تعاقب میں آنے والے ہنستے بستے خاندان نے خوفناک سیلابی ریلوں کو اپنی آنکھوں سے دیکھا اور دیکھتے ہی دیکھتے سیٹیاں بجاتے پانیوں کے شور میں گم ہوگئے، بہہ گئے اور کھو گئے ۔۔ نہ جانے کتنے خوبرو انسان انہی پہاڑوں کے دامن میں کھو چکے ہیں یاد نہیں لیکن یہ ظالم پہاڑ اپنے اندر اس قدر کشش رکھتے ہیں کہ لوگ پھر بھی کھینچے چلے آتے ہیں ، مشل اور سعد لودھراں میں ایک کالج اور ہسپتال کے مالک ہیں ، یہ لوگ خود ڈاکٹر تھے اور ہزاروں مریضوں کیلئے آخری امید ، آسرا اور مسیحا تھے لیکن زندگی کی شام کس قدر بھیانک ، خوفناک اور بے بس ہوتی ہے جس کا اندازہ انسان کو نہیں ہے ، بابوسر ٹاپ پر فطرت کے انگنت مناظر کو کیمرے کی آنکھ میں محفوظ کرنے کے بعد موسم کی خوشگوار ادا سے محظوظ ہوئے اور بابوسر ٹاپ کی اترائی اترتے ہوئے ہنسی خوشی شاہراہ بابوسر کی میدانوں میں داخل ہوئے ، اچانک موسم نے سنگین انگڑائی لی اور چھم چھم بارشوں کے بعد ہر نالے سے سیلابی ریلوں نے شاہراہ بابوسر کو اپنے حصار میں لے لیا اور موت نے ان کا استقبال کیا ، ڈاکٹر سعد کی بیگم مشعل، بھائی فہد اور انکا ننھا بیٹا سمیت خاندان کے تین افراد اور خوفناک ریلوں کے زد میں آگئے جبکہ سعد معجزانہ طور پر بچ گئے لیکن بدقسمت آنکھوں کا وہ منظر کیسے بھلا پائے گا جب بھائی ، بیوی ،نھنا شہزادہ اور خاندان کو ڈوبتے دیکھا؟؟؟؟؟۔۔۔۔ یہ منظر کسی قیامت سے کم نہیں ۔۔۔۔۔ بس کیا کیجیئے!! قدرت کا ہر فیصلہ اٹل ہے انسان بے بس ہے ۔۔۔ شام کا یہ ڈوبتا منظر بے بسی کی تصویر تھی اور خدا دشمن کو بھی بے بس نہ کرے, مجھے بے بسی کا ہر منظر موت سے کم نہیں لگتا ۔۔۔ اللہ تعالیٰ اپنے پیارے محبوب ﷺ کے صدقے تمام مرحومین کو جنت الفردوس میں اعلیٰ مقام عطا فرمائے اور پسماندگان کو صبر جمیل عطا فرمائے آمین۔۔۔
بارش کے دوران سفر سے احتیاط کریں آپ کی جان سب چیزوں سے قیمتی ہے۔۔۔۔۔
@highlight
==================
24 گھنٹوں میں مزید 5 افراد جاں بحق، 10 زخمی ہوئے، این ڈی ایم اے
تازہ ترینقومی خبریں22 جولائی ، 2025
FacebookTwitterWhatsapp
لمحہ با لمحہقومی خبریںبین الاقوامی خبریںتجارتی خبریںکھیلوں کی خبریںانٹرٹینمنٹصحتدلچسپ و عجیبخاص رپورٹ
24 گھنٹوں میں مزید 5 افراد جاں بحق، 10 زخمی ہوئے، این ڈی ایم اے
این ڈی ایم ا ے نے کہا ہے کہ گزشتہ 24 گھنٹوں میں بارشوں کے باعث مزید 5 افراد جاں بحق اور 10 زخمی ہوئے۔
این ڈی ایم ا ے کے مطابق بارشوں کے باعث اب تک 221 افراد ہلاک اور 592 زخمی ہو چکے ہیں۔
بارشوں کے باعث سب سے زیادہ پنجاب میں 135 اموات ہوئیں۔ بارشوں کے باعث اب تک 804 مکان گر چکے ہیں۔
این ڈی ایم اے کا کہنا ہے کہ بابوسر میں کلاؤڈ برسٹ سے سیلابی صورتحال ہے۔بابو سر ٹاپ کے گرد 7 سے 8 کلومیٹر کے علاقے میں شدید لینڈ سلائیڈنگ اور فلیش فلڈنگ ہوئی ہے۔
این ڈی ایم اے کے مطابق 14 سے 15 مقامات پر راستے بند ہیں۔ مختلف مقامات پر پھنسے سیاحوں کو چلاس میں محفوظ مقامات پر منتقل کیا گیا۔
کہوٹہ آزاد پتن روڈ ٹھنڈا پانی کے مقام پرلینڈ سلائیڈنگ ہوئی جس کے باعث ٹریفک معطل ہوگئی۔ روڈ کلیئرنس اور ٹریفک بحالی کا کام جاری ہے۔
ریسکیو حکام نے کہوٹہ سفر کیلئے متبادل راستہ کوٹلی کہوٹہ روڈ استعمال کرنے کی ہدایت کی ہے۔
