آپ نے اجرک کی آڑ میں لوٹ مار کا دھندا شروع کردیا ہے، فاروق ستار
پریس کانفرنس کرتے ہوئے فاروق ستار نے کہا کہ پیپلز پارٹی کی حکومت نے کراچی کو تباہ کردیا ہے، اچانک اجرک والی نمبر پلیٹ کا اجرا ہوا، کراچی میں 65 لاکھ کے قریب گاڑیاں ہیں، ان میں سے 40 سے 45 لاکھ موٹرسائیکلیں ہیں۔
فاروق ستار نے کہا کہ گورنر نے کہا کہ اجرک سندھ کی تہذیب اور عزت کی علامت ہے، اس کی آڑ میں لوگوں کو لوٹا جارہا ہے تو کیا یہ اس کی تذلیل نہیں؟
www.jeeveypakistan.com
انہوں نے کہا کہ اندرون سندھ سے ہزاروں ٹریفک اہلکار لائے گئے ہیں، مقصد وہ کراچی والوں کو لوٹیں، کراچی میں انہیں فری ہینڈ ہے، اندرون سندھ میں ایک فیصد گاڑیوں پر بھی اجرک والی نمبر پلیٹ نہیں اور چلان نہیں ہو رہا۔
فاروق ستار نے کہا کہ نمبر پلیٹ لوگوں کو دینی ہے تو مفت دیں۔
انہوں نے کہا کہ لیاری میں ایک عمارت گر گئی، جو لوگ بچ گئے تو ان کا کوئی پرسان حال نہیں، مخدوش عمارتوں کے حوالے سے 20،25 سال پرانی پالیسی ہے، عمل نہیں ہوتا، ایس بی سی اے والے بھی اس سسٹم کا حصہ رہے
Courtesy hum news urdu
