پاکستان فلم ، ٹیلی ویژن ، ریڈیو اور سٹیج کے معروف سینیئر اداکار عاصم بخاری کی حالت خطرے سے باہر ہے
انہیں گزشتہ صبح فجر کی نماز کے دوران شدید ہارٹ اٹیک ہوا انہیں فوری پنجاپ انسٹیوٹ آف کا ارڈیالوجی لایا گیا جہاں انہیں فوری ہنگامی طبی امداد دی گئی
ان کے پھیپھڑوں میں پانی بھر جانے کی وجہ سے ان کے گُردوں نے بھی کام کرنا کم کر دیا تھا
تاہم 20 گھنٹے بعد اب بہتر محسوس کر رہے ہیں
====================
مصطفیٰ عامر قتل کیس سماعت کیلئے ٹرائل کورٹ منتقل
کراچی کے علاقے ڈیفنس میں پیش آنے والے مصطفیٰ عامر کے قتل کا کیس مزید سماعت کے لیے ٹرائل کورٹ منتقل کردیا گیا ہے۔
انسدادِ دہشتگردی کی عدالتوں کے منتظم جج نے کیس کا چالان منظور کر لیا، چالان میں کہا گیا کہ ملزم ارمغان نے مصطفیٰ عامر کو تشدد کرکے زخمی اور گاڑی میں آگ لگا کر قتل کرنے کا اعتراف کیا ہے۔
پولیس کے مطابق مصطفیٰ عامر کے اغواء کا مقدمہ مقتول کی والدہ کی مدعیت میں درج ہے۔
یاد رہے کہ مصطفیٰ عامر کو 6 جنوری کو ملزم ارمغان نے قتل کر دیا تھا، مصطفیٰ عامر قتل کیس کے ملزم ارمغان اور شیراز گرفتار ہیں۔
