پنجاب میں زبردست بارشوں سے سیلاب، سڑکیں تباہ اور دیہات زیر آب

نجاب کے چکوال اور جہلم میں زبردست بارشوں نے شدید نقصان پہنچایا ہے، جس کے نتیجے میں درجنوں سڑکیں مکمل طور پر تباہ ہو گئیں اور کئی دیہات پانی میں ڈوب گئے ہیں۔ چکوال میں 450 ملی میٹر بارش ریکارڈ کی گئی جس کے باعث 32 سڑکیں تباہ ہو گئیں اور سیلابی ریلے نے رابطہ پل بہا کر رابطہ منقطع کر دیا۔ صوبے بھر میں طوفانی بارشوں کے بعد ریسکیو کارروائیاں جاری ہیں۔ منڈی بہاء الدین میں سیلابی ریلے میں پھنسے ہوئے خاندان کو بچا لیا گیا اور متعدد افراد کو محفوظ جگہ منتقل کیا گیا۔

سرگودھا میں دریا کے کنارے آباد 40 سے زائد دیہات کے کئی خاندانوں کو محفوظ مقامات پر پہنچایا گیا ہے۔ جہلم میں سیلابی صورتحال کے باعث پانچ سو سے زائد افراد کو محفوظ مقامات پر منتقل کیا گیا ہے جبکہ مختلف دیہات کو ملانے والی سڑکوں پر مرمت کا کام جاری ہے۔ جہلم میں شدید بارشوں کی وجہ سے چار یونین کونسلیں متاثر ہوئیں، سیلاب نے لوگوں کو بے گھر کر دیا اور گلیوں میں پانی جمع ہو گیا ہے۔ سیلاب کے باعث مقامی باشندوں نے اپنے مویشی جہلم پنڈ دادن خان روڈ پر لا کر باندھ دیے ہیں اور حکومت سے درخواست کی ہے کہ نالہ بہناں پر بند بند کیا جائے کیونکہ سیلاب اسی نالہ کے بند نہ ہونے کی وجہ سے آیا ہے۔