پاکستانی شوبز انڈسٹری کے معروف اداکار اور میزبان عمران اشرف نے حال ہی میں ایک دلچسپ پوسٹ شیئر کر کے اپنے مداحوں کو حیران کر دیا ہے۔
انہوں نے انسٹاگرام پر ایک پوسٹ اپلوڈ کی جس میں انہیں ایک پنجابی فلم کے پوسٹر میں دیکھا جا سکتا ہے۔ یہ پوسٹر ان کی آنے والی فلم “اینا نوں رہنا سہنا نئی آوندا” کا ہے، جس میں عمران اشرف کے ساتھ بھارتی پنجاب کے نامور فنکار بھی شامل ہیں۔
https://www.instagram.com/p/DMN849rIjfC/?utm_source=ig_embed&utm_campaign=invalid&ig_rid=94589684-1bda-4a3b-b4e3-3359698f0e06
اپنی پوسٹ کے کیپشن میں عمران اشرف نے اعلان کیا کہ یہ فلم 22 اگست کو دنیا بھر میں ریلیز کی جائے گی۔ ان کا کہنا تھا کہ اس پروجیکٹ پر پوری ٹیم نے بے حد محنت کی ہے۔
فلم کی کہانی سریندر اروڑا نے لکھی ہے جبکہ ہدایتکاری رپن بال نے کی ہے، جو ایک بھارتی نژاد کینیڈین فلم ڈائریکٹر ہیں۔
فلم کی کاسٹ میں عمران اشرف، ناصر چنیوٹی، جسی گل، رنجیت باوا، نرمل رشی اور نوپریت کور بنگا شامل ہیں۔
’اینا نوں رہنا سہنا نئی آوندا‘ ایک کامیڈی پنجابی فلم ہے جو کینیڈا میں مقیم بین الاقوامی طلبہ کی زندگی اور مسائل کے گرد گھومتی ہے۔























