“ہمایوں سعید کا کہنا تھا کہ جب میں نے اپنی پہلی فلم ’انتہا‘ کی، تو مجھے عمر سے متعلق باتیں سننے کو ملیں۔ حالانکہ اس وقت میں واقعی کالج میں پڑھ رہا تھا، پھر بھی لوگوں نے کہا کہ میں کالج کے لڑکے کے کردار کے لیے عمر رسیدہ دکھائی دیتا ہوں۔
انہوں نے مزید بتایا کہ مجھے اچھی طرح یاد ہے کہ ایک مضمون میں لکھا تھا کہ ہمایوں سعید اپنے کردار کے لحاظ سے کافی بڑے نظر آتے ہیں۔ اصل میں، میں کبھی لڑکا دکھائی دیا ہی نہیں، میں ہمیشہ سے ہی عمر سے بڑا اور سنجیدہ ہی لگا ہوں، چاہے عمر کچھ بھی رہی ہو۔
یہ بات بھی قابل ذکر ہے کہ آج ہمایوں سعید پاکستان کے صف اول کے اداکاروں میں شمار ہوتے ہیں۔ ان کے کریڈٹ پر بے شمار مقبول ڈرامے اور فلمیں موجود ہیں جیسے ’میرے پاس تم ہو‘، ’دل لگی‘، ’پنجاب نہیں جاؤں گی‘، ’محبتوں کے سلسلے‘ اور دیگر کئی پروجیکٹس۔ ان کی حالیہ فلم ’لوگرو‘ نے بھی 77 کروڑ روپے کا شاندار بزنس کر کے کامیابی کے نئے ریکارڈ قائم کیے ہیں۔”
