انتباہ:
13
جولائی ( شام/رات) اور 14جولائی کے دوران
• موسلا دھار/ شدیدموسلادھار بارش کے باعث مری، گلیات، مانسہرہ، کوہستان،ایبٹ آباد، بونیر، چترال، دیر، سوات، شانگلہ، نوشہرہ، صوابی، مردان، اسلام آباد/راولپنڈی، ڈی جی خان، شمال مشرقی پنجاب، بلو چستان اورکشمیر کے مقامی / بر ساتی ندی نالوں میں طغیانی کا خدشہ ۔
• شدید بارشوں کے باعث خیبرپختونخوا، مری، گلیات، کشمیر اور گلگت بلتستان میں لینڈ سلائیڈنگ کے باعث ٹریفک کی آمدورفت متاثر ہونے کا خطرہ۔
• شدید بارشوں کے باعث اسلام آباد/راولپنڈی، گوجرانوالہ، لاہور، سیالکوٹ، سرگودھا، فیصل آباد، نوشہرہ اور پشاور کے نشیبی علا قے زیر آب آنے کا اندیشہ۔ عوام الناس کو احتیاط کی ہدایت۔
ہفتہ کے روز ملک کے بیشتر علاقوں میں موسم گرم اور مرطوب رہنے کا امکان۔ تاہم شام/رات میں شمال مشر قی/ جنو بی پنجاب، شمال مشر قی بلو چستان ، کشمیر، بالائی خیبر پختونخواہ اور گلگت بلتستان میں چند مقامات پر تیز ہواؤں اور گرج چمک کے ساتھ بارش ہوسکتی ہے ۔
اتوار کے روز ملک کے بیشتر علاقوں میں موسم گرم اور مرطوب رہنے کا امکان۔ تاہم بعداز دوپہر خیبر پختونخواہ، شمال مشر قی بلو چستان ، کشمیر، اسلام آباد ، پنجاب اور گلگت بلتستان میں چند مقامات پر تیز ہواؤں/آندھی اور گرج چمک کے ساتھ بارش کی توقع ۔ اس دوران خیبر پختونخواہ، کشمیر ،شمال مشرقی پنجاب اور خطہ پوٹھوہار میں چند مقامات پر موسلادھار بارش متوقع۔
گذشتہ 24 گھنٹے کا موسم جنو بی/وسطی پنجاب، خیبرپختونخوا، شمال مشرقی /جنوبی بلوچستان، کشمیر اور گلگت بلتستان میں تیزہواؤں اور گرج چمک کے ساتھ بارش جبکہ چند مقامات پر مو سلادھار بارش بھی ہوئی۔ ملک کے دیگر علاقوں میں موسم گرم اور مرطوب رہا۔
سب سے زیادہ بارش (ملی میٹر): پنجاب: رحیم یار خان 47، ملتان (ایئرپورٹ 28 اور سٹی 27)، خانپور 20، سرگودھا سٹی 19، ڈی جی خان (سٹی 10)، بہاولپور (ایئرپورٹ 17 اور سٹی 12)، نور پور تھل 15، جوہر آباد 12، کروڑ (لیہ) 06، خانیوال 05، بہاولنگر 04، بھکر 03، کوٹ ادو 01، بلوچستان: سبی 32، خضدار 11، بار خان 02، اورماڑہ 01، خیبر پختونخوا: پاراچنار 22، ڈی آئی خان (شہر 15 اور ایئرپورٹ 10)، دیر (بالائی 11 اور زیریں 02)، پٹن 03، کشمیر: گڑھی دوپٹہ 10، گلگت بلتستان: بگروٹ 05، بونجی 03، استور 02، سکردو 01، سندھ: مٹھی 03 اورچھورمیں 01 ملی میٹر بارش ریکارڈ کی گئی۔
گزشتہ روز ریکارڈ کئے گئے زیادہ سےزیادہ درجہ حرارت :نوکنڈی ، دالبندین 46، روہڑی، خیرپور، دادو، موہنجو دڑو، سکھر، تربت اور پنجگور41 ڈگری سینٹی گریڈ ریکارڈ کیا گیا۔
ہفتہ کے روز: اسلام آباد اور گردونواح میں موسم گرم اور مرطوب رہے گا۔ تاہم رات میں مطلع جزوی ابر آلود رہنے کے علاوہ چند مقامات پر بارش ہو سکتی ہے۔Prob:30%
اتوار کے روز: اسلام آباد اور گردونواح میں موسم گرم اور مرطوب رہے گا۔ تاہم رات میں مطلع ابر آلود رہنے کے علاوہ تیز ہواؤں/آندھی اور گرج چمک کے ساتھ بارش اور چند مقامات پر موسلادھار بارش کا بھی امکان۔Prob:65%
