بھارتی میڈیا کی رپورٹ کے مطابق مشہور مزاحیہ اداکار کپل شرما کا کینیڈا میں حال ہی میں کھلنے والا ’’کپس کیفے‘‘ فائرنگ کا نشانہ بن گیا۔ کیفے کے افتتاح کے چند دن بعد ہی نامعلوم افراد نے اس پر کم از کم 9 گولیاں چلائیں، جس کے باعث علاقے میں خوف و ہراس پھیل گیا۔
خوش قسمتی سے اس حملے میں کوئی جانی نقصان نہیں ہوا، مگر واقعے نے اس وقت سنگین رخ اختیار کر لیا جب بھارت کی قومی تحقیقاتی ایجنسی کی سب سے زیادہ مطلوب افراد کی فہرست میں شامل کالعدم گروہ بابا خالصہ انٹرنیشنل سے تعلق رکھنے والے ہرجیت سنگھ لڈی نے اس حملے کی ذمہ داری قبول کی۔
اطلاعات کے مطابق ہرجیت سنگھ لڈی نے مبینہ طور پر یہ کارروائی کپل شرما کے کچھ حالیہ بیانات کے ردعمل میں کی ہے۔
