حمیرا اصغر تازہ ترین اپ ڈیٹس || بلیک میلنگ کے نئے انکشافات || شاہد حسین
حمیرا اصغر تازہ ترین اپ ڈیٹس || بلیک میلنگ کے نئے انکشافات || شاہد حسین
Humaira asghar latest updates || New revelations about blackmailing || shahidhussain
حمیرا اصغر کی لاش کتنی پرانی تھی؟ ابتدائی پوسٹمارٹم رپورٹ میں تعین ہوگیا
کراچی کے علاقے ڈیفنس فیز 6 کے فلیٹ سے مردہ حالت میں ملنے والی اداکارہ حمیرا اصغر کی ابتدائی پوسٹ مارٹم رپورٹ منظر عام پر آگئی۔
پوسٹ مارٹم رپورٹ کے مطابق اداکارہ کی لاش 8 سے 10 ماہ پرانی نکلی، اداکارہ کے جسم کی کوئی ہڈی ٹوٹی ہوئی نہیں پائی گئی ہے۔
پوسٹ مارٹم رپورٹ کے مطابق اداکارہ کے بال اور شرٹ کے ٹکڑے کیمیائی معائنے کے لیے بھیجے گئے ہیں جبکہ نچلے حصے کا گوشت مکمل طور پر ختم ہوچکا تھا۔
رپورٹ میں یہ بات سامنے آئی ہے کہ لاش ڈی کمپوز کے بالکل آخری اسٹیج پر تھی، لاش میں تھوڑے کیڑے پڑ چکے تھے۔
حمیرا کی لاش 6 ماہ پرانی، موبائل میں آخری میسج ٹیکسی ڈرائیور کا تھا: ڈی آئی جی ساؤتھ
رپورٹ کے مطابق فزیکل مائنس سے زیادتی کا پتہ لگانا مشکل ہے۔
اس سے قبل گزشتہ روز ڈی آئی جی ساؤتھ اسد رضا نے کہا تھا کہ لاش ممکنہ طور پر 6 ماہ پرانی ہے، فلیٹ سے ملے کھانے پینے کے سامان پر زائد المیعاد (ایکسپائری) کی تاریخ 2024 کی ہے۔
اداکارہ حمیرا اصغر کا بھائی بہن کی میت لے کر لاہور روانہ ہوگیا
کراچی کے علاقے ڈیفنس میں فلیٹ سے ملنے والی ماڈل و اداکارہ حمیرا اصغر کی لاش اہلخانہ نے وصول کرلی، جس کے بعد وہ مرحومہ کی میت لیکر لاہور روانہ ہوگئے ہیں۔
ایس ایس پی ساؤتھ مہزور علی نے میڈیا کو بتایا کہ ورثاء میت لاہور لے جانا چاہتے ہیں۔ انہوں نے حمیرا کی موت کے بارے میں فوری طور پر کسی شک و شبہے کا اظہار نہیں کیا ہے۔
حمیرا اصغر کا بھائی اور دیگر رشتہ دار پہلے کراچی میں ایس ایس پی ساؤتھ آفس، اس کے بعد ریسکیو ادارے کے سرد خانے پہنچے۔
گورنر سندھ کا اداکارہ حمیرا اصغر کی تدفین کے انتظامات کرنے کا اعلان
اداکارہ حمیرا کے چھوٹے بھائی نوید اصغر نے میڈیا سے گفتگو کرتے ہوئے کہا کہ حمیرا میری چھوٹی بہن تھی، لاش اگر پولیس کی کسٹڈی میں ہو تو قانونی تقاضے مکمل کرنے پڑتے ہیں۔
نوید اصغر نے کہا کہ ہم تین دن سے فلاحی ادارے اور پولیس سے رابطے میں تھے، ہم نے اب اپنی بہن حمیرا کی باڈی وصول کرلی ہے۔
واضح رہے کہ 8 جولائی کو اداکارہ حمیرا اصغر کی لاش کراچی کے علاقے ڈیفنس فیز 6 میں ایک فلیٹ سے ملی، وہ گزشتہ 7 سال سے اس کرائے کے فلیٹ میں مقیم تھیں، اداکارہ 2018ء میں لاہور سے کراچی منتقل ہوئی تھیں۔
ایس ایس پی ساؤتھ مہزور علی کے مطابق خاتون فلیٹ میں 7 سال سے اکیلی رہ رہی تھیں، 2018ء میں فلیٹ کرائے پر لیا تھا اور وہ 2024ء سے کرایہ نہیں دے رہی تھیں۔
کلفٹن کنٹونمنٹ بورڈ میں مالک مکان نے کیس کیا تھا، بیلف آیا تو دروازہ بند تھا، دروازہ نہ کھلنے پر توڑا گیا تو کمرے میں زمین پر خاتون کی لاش پڑی تھی۔
