اسلام آباد میں نیشنل سائبر کرائم انویسٹی گیشن ایجنسی نے کارروائی کرتے ہوئے ایک جعلی کال سینٹر پر چھاپہ مارا اور 149 افراد کو گرفتار کر لیا۔ ایجنسی کے مطابق گرفتار ہونے والوں میں 71 غیر ملکی شامل ہیں، جن میں اکثریت چینی باشندوں کی ہے۔
حکام کے مطابق یہ جعلی کال سینٹر پونزی اسکیمز اور سرمایہ کاری کے نام پر دھوکہ دہی میں ملوث تھا، جس کے ذریعے عوام کو مالی نقصان پہنچایا جا رہا تھا۔ ایجنسی کا کہنا ہے کہ اس جعلسازی کے نیٹ ورک کے ذریعے شہریوں سے بڑی رقوم غیر قانونی طریقے سے اکٹھی کی جا رہی تھیں۔
