اداکارہ بلڈنگ کے لوگوں سے زیادہ ملنا جلنا نہیں تھا۔-ان کے پاس کوئی گاڑی بھی نہیں تھی۔
اداکارہ بلڈنگ کے لوگوں سے زیادہ ملنا جلنا نہیں تھا۔-ان کے پاس کوئی گاڑی بھی نہیں تھی۔
Actress Humera Asghar is no more. 😢😢😢
==============
اداکارہ حمیرا اصغر سے متعلق پڑوسی نے کیا بتایا؟
کراچی کے علاقے ڈیفنس کے ایک فلیٹ سے اداکارہ حمیرا اصغر علی کی لاش ملی ہے، پڑوسی نے بتایا کہ اداکارہ بلڈنگ کے لوگوں سے زیادہ ملنا جلنا نہیں تھا۔
اداکارہ حمیرا اصغر کے پڑوسی نے ’جیو نیوز‘ سے گفتگو کرتے ہوئے کہا کہ مالک مکان نے بتایا حمیرا اصغر کرائے کی ادائیگی میں تاخیر کر رہی تھیں۔
پڑوسی کا کہنا ہے کہ آج پولیس نے ان کے فلیٹ کا دروازہ توڑ کر لاش برآمد کی۔
پڑوسی نے انکشاف کیا ہے کہ حمیرا اصغر کا بلڈنگ کے دیگر افراد سے زیادہ ملنا جلنا نہیں تھا، ان کے پاس کوئی گاڑی بھی نہیں تھی۔
کراچی: ڈیفنس کے فلیٹ سے اداکارہ حمیرا اصغر علی کی لاش برآمد
واضح رہے کہ اداکارہ حمیرا اصغر کی لاش کراچی کے علاقے ڈیفنس فیز 6 میں ایک فلیٹ سے ملی ہے، وہ گزشتہ 7 سال سے اس کرائے کے فلیٹ میں مقیم تھیں، اداکارہ 2018ء میں لاہور سے کراچی منتقل ہوئی تھیں، پولیس نے لاش کو پوسٹ مارٹم کے لیے بھجوا دیا ہے۔
ایس ایس پی ساؤتھ مہزور علی کے مطابق خاتون فلیٹ میں 7 سال سے اکیلی رہ رہی تھیں، 2018ء میں فلیٹ کرائے پر لیا تھا اور وہ 2024ء سے کرایہ نہیں دے رہی تھیں۔
کلفٹن کنٹونمنٹ بورڈ میں مالک مکان نے کیس کیا تھا، آج بیلف آیا تو دروازہ بند تھا، دروازہ نہ کھلنے پر توڑا گیا تو کمرے میں زمین پر خاتون کی لاش پڑی تھی۔
ایس ایس پی ساؤتھ کے مطابق ابتدائی طور پر خاتون کی موت طبعی معلوم ہوتی ہے، تاہم پوسٹ مارٹم کے بعد مزید صورتِ حال واضح ہو گی۔
پولیس سرجن ڈاکٹر سمعیہ کا کہنا ہے کہ خاتون کی اسپتال لائی جانے والی لاش مسخ شدہ ہے۔ لاش سے نمونے اکٹھے کر لیے گئے ہیں۔
===============
معروف ماڈل و اداکارہ حمیرا اصغر علی کو آج لاہور میں سپرد خاک کیا جائیگا
معروف ماڈل و اداکارہ حمیرا اصغر علی کو آج لاہور میں سپرد خاک کیا جائیگا
لاہور (عمران احسان) کراچی ڈیفنس ہاؤسنگ سوسائٹی فلیٹ میں مردہ حالت میں پائی جانیوالی 32 سالہ معروف ماڈل و اداکارہ حمیرا اصغر علی کو آج لاہور میں سپرد خاک کیا جائیگا۔
حمیرا اصغر علی 10 اکتوبر 1992 کو لاہور میں پیدا ہوئیں۔
ان کے والد ڈاکٹر اصغر علی پیشے کے اعتبار سے معالج تھے، وہ ایک متوسط مگر تعلیم یافتہ گھرانے سے تعلق رکھتی تھیں۔
انہوں نے نیشنل کالج آف آرٹس (NCA) لاہور سے بی ایف اے اور ایم ایف اے مکمل کیا، جبکہ پنجاب یونیورسٹی سے ایم فل فائن آرٹس کی ڈگری بھی حاصل کی۔
آرٹ، پینٹنگ اور اسٹیج ڈراموں میں ان کی دلچسپی بچپن سے نمایاں تھی،2002 میں تھیٹر سے فنی کیریئر کا آغاز کیا اور “اجوکا”، “رفیع پیر” اور “الحمرا” جیسے اداروں کے ساتھ 100 سے زائد تھیٹر شوز کئے، 2013 سے وہ ماڈلنگ کے شعبے میں آئیں اور بڑے برانڈز کے لیے کام کیا۔
اداکاری کے میدان میں انہوں نے ڈرامے چل دل، بے نام لالی، اور گرو میں پرفارم کیا، انھوں نے فلم جلیبی میں بھی کام کیا۔
