پولیس نے راولپنڈی میں کروڑوں روپے کی بینک ڈکیتی کی ناکام کوشش پر ایک ملزم کو گرفتار کرلیا۔ میڈیا رپورٹس کے مطابق نیو ٹاؤن کے علاقے میں پولیس کی فوری کارروائی کی بدولت تین مسلح ڈاکو بینک میں داخل ہوئے مگر صرف ایک کو گرفتار کیا جا سکا جبکہ باقی دو فرار ہو گئے، پولیس نے فرار ڈاکوؤں کی تلاش کے لیے مختلف علاقوں میں سرچ آپریشن شروع کر دیا۔
دوسری جانب لاہور کے ڈیفنس بی علاقے میں چینی شہری شی ڈیپو کے گھر سے 1 کروڑ 80 لاکھ روپے کی چوری کے ملزمان کو گرفتار کر لیا گیا ہے۔ اے ایس پی ڈیفنس شہر بانو نقوی نے پریس کانفرنس میں بتایا کہ چوری کا ماسٹر مائنڈ گھر کا ملازم نکلا۔ پولیس نے جدید ٹیکنالوجی اور سی سی ٹی وی فوٹیج کی مدد سے 36 گھنٹوں کے اندر ملزمان علی عزیز، شبیر اور امتیاز کو بہاولپور سے گرفتار کیا اور 1 کروڑ 20 لاکھ روپے نقدی برآمد کر لی۔ ملزمان نے دوران تفتیش جرم کا اعتراف بھی کر لیا ہے۔ مقدمہ درج کر کے مزید تحقیقات جاری ہیں۔ ایس پی کینٹ نے پولیس ٹیم کو شاباش دیتے ہوئے ملزمان کی گرفتاری پر اطمینان کا اظہار کیا ہے۔
