معروف برطانوی گلوکار ایڈ شیرن نے جرمنی کے مشہور ویکس میوزیم میں نصب اپنے مومی مجسمے کو انتہائی خوفناک قرار دیتے ہوئے شدید تنقید کی ہے۔
انسٹاگرام پر ایک ویڈیو میں ایڈ شیرن خود اپنے ویکس مجسمے کے ساتھ کھڑے دکھائی دیے اور ویڈیو کے کیپشن میں لکھا کہ وہ مجسمے بنانے والوں کی محنت کی قدر کرتے ہیں، مگر سچ بتاؤں تو یہ شکل بہت ڈراؤنی ہے۔
ویڈیو میں گلوکار مسکرا رہے ہیں، تاہم ان کے تاثرات سے واضح ہوتا ہے کہ وہ اپنے مجسمے کی وضع قطع سے خوش نہیں ہیں۔
ان کے مداحوں نے بھی ان کے خیالات کی حمایت کی اور مجسمے کو ان سے بالکل مختلف اور ناقابلِ شناخت قرار دیا۔
ایک فین نے تبصرہ کیا کہ “نہیں ایڈ، آپ بہت خوبصورت ہیں، لیکن یہ مجسمہ آپ سے کہیں دور ہے۔”
دوسرے نے کہا کہ وہ ہیمبرگ سے ہیں اور اس مجسمے کی نمائندگی پر معذرت خواہ ہیں کیونکہ یہ واقعی ایڈ شیرن جیسا نظر نہیں آتا۔
تیسرے صارف نے اسے کم بجٹ میں بنایا گیا ناقص کردار قرار دیا۔
