اکستانی ڈرامہ اور فلم انڈسٹری کی مشہور ڈائریکٹر مہرین جبار نے ملک میں ڈراموں کی دنیا میں ادائیگیوں سے متعلق مسائل پر بات کی ہے۔
حال ہی میں دیے گئے ایک یوٹیوب انٹرویو میں مہرین جبار نے انکشاف کیا کہ پاکستان کی ڈرامہ انڈسٹری میں آج بھی پروفیشنل رویے کی کمی ایک بڑا مسئلہ ہے، خاص طور پر وقت پر پیسے نہ ملنے کی شکایت عام ہے۔
’دام‘، ’ایک جھوٹی لو اسٹوری‘، ’جیکسن ہائٹس‘ اور ’دوراہا‘ جیسے مقبول ڈرامے بنانے والی مہرین جبار اس وقت عدیل حسین، شجاع اسد اور حاجرا یامین کے ساتھ ایک نئے ڈرامے پر بھی کام کر رہی ہیں۔
ان کا کہنا تھا کہ یہاں زیادہ تر پروڈکشن ہاؤسز اداکاروں، ڈائریکٹرز اور حتیٰ کہ اسپاٹ بوائز تک کو ان کی محنت کا معاوضہ بروقت ادا نہیں کرتے، جس کی وجہ سے سب کو بار بار پیسوں کا مطالبہ کرنا پڑتا ہے، گویا وہ کوئی احسان مانگ رہے ہوں۔
مہرین جبار نے بتایا کہ تکنیکی عملے کو بہت کم معاوضہ دیا جاتا ہے اور خرچ کم رکھنے کے لیے اسی روایت کو آگے بڑھایا جا رہا ہے۔ ان کا کہنا تھا کہ موجودہ مہنگائی میں اس رویے کو بدلنا بے حد ضروری ہے تاکہ سب کو ان کی محنت کا صحیح صلہ وقت پر مل سکے۔
Ask ChatGPT
