پی این ایف نے ایشین یوتھ نیٹ بال چیمپئن شپ 2025 جیت لی
قومی نیٹ بال ٹیم کا کراچی ائیرپورٹ پر محمد طارق حسن۔ ملک محمد سمین اور دیگر نے پرتپاک استقبال کیا
پاکستانی کھلاڑیوں نے کوریا میں ایشین ٹرافی اپنے نام کرلی۔ ملیشیا۔ سنگاپور۔ بھارت۔ جاپان۔ سعودی عرب۔ سری لنکا و دیگر ملکوں کی ٹیمیں شامل تھی
کراچی ( ) پاکستان نیٹ بال فیڈریشن (PNF) نے ایشین یوتھ نیٹ بال چیمپئن شپ 2025 میں پاکستانی ٹیم کامیاب ہوکر وطن واپسں پہنچ گئی۔ کراچی ائیرپورٹ پر پاکستان باڈی بلڈنگ فیڈریشن کے نو منتخب صدر و پاکستان مسلم لیگ ق کے مرکزی سیکرٹری جنرل محمد طارق حسن۔ پاکستان نیٹ بال فیڈریشن کے صدر ملک محمد سمین دیگر عہدیداران سمیت کھلاڑیوں کے اہل خانہ نے پرتپاک استقبال کیا۔ پھولوں کے گلدستے پیشں اور پاکستان زندہ باد کے نعرے بلند کئے۔ اس موقع پر محمد طارق حسن و ثمین خان نے قومی ٹیم کو خراج تحسین پیشں کرتے ہوئے کہا کہ چیمپئن شپ میں فتح سے پاکستان کا نام روشن ہوا ہے جس پر کھلاڑیوں سمیت منیجر۔ کوچ اور پورا عملہ کو مبارکباد پیش کرتے ہیں۔ واضح رہے قومی نیٹ بال ٹیم نے، 27 جون سے 4 جولائی 2025 تک، جیونجو ہواسن جمنازیم، جیونجو-سی، کوریا میں میچ کھیلے۔ پاکستان نیٹ بال فیڈریشن نے 12 رکنی ٹیم میں شامل کھلاڑیوں پر مشتمل پریسا عباس، امانی فواد غریب، علینہ مایا غریب، لیہ رضا شاہ، علیشہ عامر نوید، اسرا عمر ملک، حلیمہ سکینہ صفدر، سرینہ نسیم حسین، سمایا صفیہ احمد، سمیہ کوثر صفدر، جیسمن الزبتھ فاروق، فراح شیری روز راشد تھی۔ جبکہ مدثر رزاق کو منیجر اور امانڈا آرلین کو ہیڈ کوچ مقرر کیا گیا تھا۔ ہارونہ باریو زمان اسسٹنٹ منیجر/کوچ جبکہ عرفان سعدیہ حسین پرائمری کیئر کی حیثیت سے خدمات سر انجام دیئے۔ ایشین یوتھ نیٹ بال چیمپئن شپ 2025، 27 جون سے 4 جولائی 2025 تک، جیونجو ہواسن جمنازیم، جیونجو-سی، کوریا میں کھیلی گئی۔ چیمپئن شپ میں گیارہ ٹیموں نے حصہ لیا، جنہیں دو گروپوں میں تقسیم کیا گیا تھا۔ جو گروپ- اے: ملیشیا، سنگاپور، سری لنکا، ہانگ کانگ، اور بھارت۔
گروپ-بی: چائنیز تائپے، جاپان، کوریا، پاکستان، مالدیپ اور سعودی عرب۔ اور پاکستان گروپ- بی میں پانچ لیگ میچز کھیلے گئے۔ پاکستان نے اپنا پہلا میچ 27 جون کو سعودی عرب کے خلاف کھیلا،دوسرا میچ 28 جون کو چائنیز تائپے کے ساتھ، تیسرا میچ 29 جون کو کوریا کے ساتھ ہوا، جبکہ چوتھا اور پانچواں میچ پاکستان جاپان اور مالدیپ کے خلاف بالترتیب 30 جون اور 1 جولائی کو کھیلا گیا۔ دریں اثناء یوم عاشورہ کے باعٹ قومی ٹیم کا استقبال انتہائی سادگی سے کیا گیا۔ قومی ٹیم کے اعزاز میں بہت جلد پر وقار تقریب اسلام اباد میں ہوگی۔
جاری کردہ
میڈیا سیل
