پیغام رسانی کی مشہور موبائل ایپ واٹس ایپ نے صارفین کے لیے ایک نیا فیچر متعارف کرانے کی تیاریاں شروع کر دی ہیں۔
ویب بیٹا انفو کی رپورٹ کے مطابق، جو واٹس ایپ کی سرگرمیوں پر نظر رکھتا ہے، کمپنی نے آئی فون صارفین کے لیے ایک انوکھے فیچر پر کام کرنا شروع کر دیا ہے۔
یہ سہولت خاص طور پر ان افراد کے لیے ہوگی جو دوستوں یا گروپس میں پیغام لکھتے وقت کسی اور کام میں مصروف ہو جاتے ہیں اور بعد میں ان کا لکھا ہوا ‘ڈرافٹ میسج’ ضائع ہو جاتا ہے۔
رپورٹ میں کہا گیا ہے کہ اس نئے فیچر کی مدد سے آئی فون استعمال کرنے والے صارفین اپنے محفوظ شدہ ڈرافٹ پیغامات کو آسانی سے ڈھونڈ سکیں گے، بالکل اسی طرح جیسے وہ عام چیٹ میسجز تلاش کرتے ہیں۔
اس فیچر میں صارفین کو ایک نیا سرچ بار ملے گا جس پر “سرچ فار ڈرافٹ میسجز” کا آپشن ہوگا، جہاں ٹائپ کر کے وہ اپنے متعلقہ ڈرافٹ تک بغیر وقت ضائع کیے پہنچ جائیں گے۔
اسی کے ساتھ ساتھ آئی فون صارفین کے لیے پیغامات کو فلٹر کرنے کا آپشن بھی دستیاب ہوگا، جس میں بھیجے گئے، موصول شدہ اور ڈرافٹ پیغامات کو الگ الگ دیکھا جا سکے گا۔
اس نئے فیچر کا بنیادی مقصد صارفین کی سہولت کو مزید بہتر بنانا ہے تاکہ وہ بغیر کسی دقت کے اپنے پیغامات تک رسائی حاصل کر سکیں۔
کمپنی نے فی الحال اس فیچر کا سرکاری طور پر اعلان نہیں کیا ہے، لیکن ویب بیٹا انفو کے مطابق اس کا آزمائشی ورژن کچھ منتخب صارفین کو فراہم کر دیا گیا ہے، جس کی کامیابی کے بعد اسے دنیا بھر کے تقریباً ڈھائی ارب صارفین تک پہنچایا جائے گا۔
