اداکارہ ماہرہ خان ان دنوں اپنی آنے والی نیٹ فلکس ویب سیریز ’’جو بچے ہیں سنگ سمیٹ لو‘‘ کی ریلیز کی منتظر ہیں۔
حال ہی میں ماہرہ خان نے جرمن نشریاتی ادارے ڈی ڈبلیو کو دیے گئے انٹرویو میں اپنے مختلف منصوبوں اور موجودہ پراجیکٹس پر کھل کر بات کی۔
ماہرہ خان نے اپنی نیٹ فلکس سیریز کو پاکستان کی بہترین پروڈکشن قرار دیتے ہوئے کہا کہ یہ سیریز پاکستانی مواد کے معیار کو عالمی سطح پر پیش کرے گی۔
انہوں نے کہا کہ اب وقت آ گیا ہے کہ پاکستان میں سینما کلچر کو دوبارہ زندہ کیا جائے، اور ’’جو بچے ہیں سنگ سمیٹ لو‘‘ سے اس حوالے سے بہت سی توقعات وابستہ ہیں، کیونکہ یہ نیٹ فلکس کی پہلی پاکستانی اوریجنل ویب سیریز ہے۔
ماہرہ خان کے مطابق سیریز کی شوٹنگ مکمل ہو چکی ہے اور پوری ٹیم نے بھرپور محنت کی ہے۔ اب سب کو اس کے ریلیز ہونے کا بے چینی سے انتظار ہے تاکہ دنیا دیکھ سکے کہ پاکستان کا اعلیٰ معیار کا کام کیسا ہے۔
یہ ویب سیریز رواں سال جون میں ریلیز ہونا تھی، تاہم تاخیر کی وجہ سے ابھی تک نیٹ فلکس کی جانب سے کوئی نئی تاریخ یا وضاحت جاری نہیں کی گئی۔
Ask ChatGPT
