گلاسٹنبری میوزک فیسٹیول کے دوران اسرائیلی فوج کے خلاف نعرے بازی اور فلسطین کی حمایت پر مشہور برطانوی بینڈ “باب وائلن” کے گلوکار سمیت دیگر اراکین کے امریکی ویزے منسوخ کر دیے گئے ہیں۔ بینڈ کے گلوکار نے سٹیج پر فلسطینی جھنڈا لہرایا اور اسرائیلی جارحیت کے خلاف سخت موقف اختیار کیا۔
امریکی نائب وزیر خارجہ نے سوشل میڈیا پر بیان دیتے ہوئے کہا کہ نفرت انگیز تقاریر اور نعرے بازی کرنے والوں کو امریکہ میں خوش آمدید نہیں کہا جائے گا۔ برطانوی نشریاتی ادارے نے بھی کہا کہ لائیو نشریات کے دوران ایسی نعرے بازی کو روکنا چاہیے تھی۔
اسی کنسرٹ میں آئرش ریپ گروپ “نی کیپ” نے بھی فلسطین کی آزادی کے نعرے لگائے، جس پر گروپ کا کہنا تھا کہ وہ اپنی آمدنی میں کمی کے لیے تیار ہیں مگر حق کی آواز بلند کرنے سے نہیں ہٹیں گے۔
یہ واقعہ ایسے وقت پیش آیا ہے جب امریکہ میں فلسطینی حامی آوازوں پر سنسرشپ اور دباؤ میں اضافہ ہو رہا ہے۔
